web counter
LEXO PA REKLAMA!

SHKARKO APP

App Store
Google Play

“Listat e hapura, për të hequr vëmendjen”/ Kryemadhi: Rama do dalë më pak i votuari në PS

7 Shtator 2020, 19:47, Politikë CNA

Kryetarja e LSI, Monika Kryemadhi ka komentuar deklaratën e kryeministrit Edi Rama në Parlament në lidhje me listat e hapura.

Kryetarja e LSI tha se ka qenë e bindur që në fillim që Rama nuk donte lista të hapura por e bëri për të hequr vëmendjen nga problematikat e vendit.

Nëse bëhen listat e hapura për Kryemadhin, Rama do të marrë më pak vota se të gjithë në Partinë Socialiste.

?Për sa i përket listave të hapura, ajo që unë kam theksuar gjithmonë dhe që e them, kanë qenë një demagogji që në momentin që u hap ideja e listave të hapura. Pse është demagogji? Për të larguar vëmendjen nga problematikat, nga mungesa e vendeve të punës, për të hequr vëmendjen nga situata e tmerrshme ekonomike, nga problematikat e qeverisjes së Rilindjes.

Pra çështja e listave të hapura ishte për të krijuar një lloj çfokusim debati midis idhtarëve të listave të hapura, kandidatëve e shumë e shumë gjëra të tjera por në fakt në vetvete listat nuk janë të hapura. Sot, ne si opozitë kërkojmë lista të hapura 100% e cila është në propozimin e Këshillit Politik dhe unë shpresoj që ky i fundit i cili do të mblidhet besoj. Nëse do ta mbledhin, besoj se do ta miratojnë hapjen e listave 100%?, u shpreh ajo në emisionin “5 pyetje nga Babaramo”,

Më tej, Kryemadhi theksoi: ?Të jeni të bindur se ajo që unë kam kuptuar është se Rama nuk ka për ta pranuar një gjë të tillë sepse do të jetë kandidati më pak i votuar në Partinë Socialiste. Kështu që nuk besoj se Rama do të shkojë drejt kësaj gjëje por përdori një kauzë po themi sa demokratike, sa e sinqertë nga qytetarët për të krijuar këtë lloj efekti. Unë nuk mendoj që problemi qëndron këtu, ky është një hap i cili është një proces që duam apo nuk duam do të ecë. Pastaj, nëse ky proces bllokohet do të ndodhë për shkak të Rilindjes, nëse do të zhbllokohet do të ndodhë për shkak të mungesës së çdo lloj bllokimi që mund të krijojnë ose infrastrukture të pamundur për Partinë Socialiste dhe Edi Ramën?./ CNA.al





Lajmet e fundit nga