CNA.al paralajmëroi ndryshime në qeveri/ Balla: Do vlerësojmë performancën e ministrave

7 Shtator 2020, 14:56, Politikë CNA

Tre ditë më parë, CNA.al paralajmëroi ndryshime në qeveri, duke bërë disa lëvizje brenda kabinetit që ka, duke larguar disa emra, por tek tuk edhe duke shtuar ndonjë emër të ri.

Për këtë ka folur sot edhe kryetari i Grupit Parlamentar të Partisë Socialiste, Taulant Balla, i cili tha se për të marrë një vendim të tillë do të kenë një komunikim me qytetarët.

Balla tregoi se PS do të hapë një dritare komunikimi me qytetarët, ku do të marrë mendimet e tyre për performancën e secilit ministër.

?Ndryshimet në qeveri nuk vijnë si pasojë e sesioneve të reja parlamentare, por gjithmonë kanë qenë një shprehje e përmirësimit të punës në një sektor të caktuar dhe në këtë këndvështrim padyshim ju jeni njohur me faktin që PS ka startuar dhe shumë shpejt do kemi një dritare dhe një kanal komunikimi me qytetarët dhe në krahun tjetër të komunikimit virtual me anëtarët e tjerë të PS, për të vlerësuar performancën e deputetëve dhe ministrave, me qëllim që ekipi që do përfaqësojë PS në zgjedhje, jo vetëm të përfaqësojë vlerat më të mira të komuniteteve që ata përfaqësojnë, por të vijnë edhe nga një proces konsultimi me anëtarësinë e partisë.

Në këtë këndvështrim, padyshim që edhe performanca e ministrave do të vlerësohet në këtë proces. Por ajo që dua të them uën është se unë e vlerësoj maksimalisht punën e secilit prej ministrave edhe pse ka gjithmonë ka vend për përmirësime?, u shpreh ai në një lidhje me emisionin ?Top Talk?.

Më tej, numri 2 i PS-së theksoi se ndryshimet në qeveri nuk janë ndonjë gjë e çuditshme, pasi pretendon se bëhen për të përmirësuar performancën.

?Kjo nuk është e çuditshme, se dhe në vitin 2017, në mars të vitit 2017, u desh të bënim disa ndryshime në qeveri vetëm për të ndarë në disa sektorë të ndryshëm pozicionin e drejtuesit me atë të ministrit, nisur nga nevojë për tu fokusuar ministri te drejtimi i ministrisë. Nganjëherë dy kunguj në një sqetull nuk mbahen dot?, nënvizoi Balla./ CNA.al

Ndryshimet në qeveri/ Lista me emrat që pritet të lëvizin

Ekskluzive/ Ndryshimet në qeveri, një hap larg