Kur do ti bëjë zgjedhjet lokale, Lulzim Basha?!

7 Shtator 2020, 10:01, Politikë CNA

Ditën e djeshme, presidenti Ilir Meta ka dekretuar datën e zgjedhjeve parlamentare.

Ashtu sikurse CNA.al e kishte paralajmëruar, se do ta shpallte brenda të hënës, Meta dje dekretoi 25 prillin 2021, si datën e zgjedhjeve.

Këto në fakt janë zgjedhje parlamentare. Janë ato zgjedhje, për të cilat Luli Basha dogji mandatet në shkurt të vitit 2019, dhe tha se në pranverë do të kishte zgjedhje të parakohshme lokale dhe parlamentare, së bashku. Deklaroi se do të digjnin Shqipërinë, dhe se nuk do të kishte zgjedhje në 30 qershor 2019.

Në fakt zgjedhjet lokale u bënë, socialistët morën të gjitha bashkitë, dhe zgjedhjet e parakohshme parlamentare nuk u bënë.

Tashmë ka kaluar rreth një vit e gjysëm. Ndërkohë, një ditë më parë presidenti Ilir Meta dekretoi zgjedhjet parlamentare. Data e zgjedhjeve u vendos, sipas marrëveshjes që kishin bërë në Këshillin e famshëm politik. Zgjedhjet parlamentare është vendosur të mbahen në fund të prilli.

Pra, do të bëhen zgjedhjet për deputetët që iu dogjën mandatet, për të bërë zgjedhje të parakohshme, të cilat nuk u bënë kurrë dhe për të bërë zgjedhje lokale të parakohshme, të cilat mesa duket edhe ato nuk do bëhen kurrë por do të shkojnë në datën e tyre normale, siç shkoi edhe parlamenti.

Tani, Luli duhet të na thotë, ku janë zgjedhjet e parakohshme lokale?

Sepse në fillim na tha se do t?i kemi në pranverë zgjedhjet lokale. Por, nuk ndodhi.

Pastaj tha do ti kemi në vjeshtën e 2019-ës, në 15 tetor zgjedhje lokale dhe parlamentare. Në atë kohë Ilir Meta pati guximin, dekretoi edhe një datë të re zgjedhjesh. Pastaj thanë so do të mbaheshin në pranverën e 2020. Pas pranverës na thanë se do të ishin në tetor zgjedhjet parlamentare dhe lokale bashkë.

Tetori po afron. As KQZ nuk ka dhe as institucione. Meta e dekretoi datën e zgjedhjeve parlamentare.

Por, Luli duhet t?iu tregojë demokratëve dhe shqiptarëve se çfarë e kishte gjithë këtë betejë të turpshme, të humbur, duke gënjyer njerëzit e duke bërë show politik.

Tani, le të përgjigjet kur do ti ketë zgjedhjet e parakohshme lokale, apo edhe ato do të shkojnë si këto parlamentaret?/ CNA.al