web counter
LEXO PA REKLAMA!

SHKARKO APP

App Store
Google Play

I akuzuar për shpërdorim detyre dhe falsifikim/ Dërgohet në gjykatë dosja ndaj ish-kryetarit socialist

7 Shtator 2020, 09:25, Politikë CNA

Ka shkuar për gjykim në gjykatë dosja e ish-kreut të Bashkisë Kuçovë, Bardhyl Gjyzeli.

Ky i fundit akuzohet për shpërdorim detyre dhe falsifikim së bashku me tre zyrtarë të tjerë.

Ish- zyrtarët e Bashkisë Kuçovë nxorën leje ndërtimi false. Pjesë e dosjes është Gjergji Çërra, ish-inxhinier urbanistike, Gentjan Islami, ish-shef i Urbanistikës dhe Arben Bilbili nën akuzë për falsifikim dokumentesh e dëshmi të rreme.

Kallzimi penal ndaj ish zyrtarëve të bashkisë Kuçovë dhe ndaj shtetasit Arben Bilbili ka filluar në datë 17 shtator 2019, pas denoncimit të bërë në Prokurorinë e Rrethit të Beratit nga dy qytetarët e Kuçovës, nënë e bir, Merjeme dhe Ervin Bilbili.

Ata akuzohen për dhënien e lejes së ndërtimit të një objekti dykatësh rreth 5-vite pasi ndërtimi kishte përfunduar. Sipas hetimeve të kryera nga prokurori Tasim Puci, rezulton se leja e ndërtimit është nxjerrë nga bashkia e Kuçovës pasi kishte përfunduar ndërtimi i objektit dhe se i gjithë dokumentacioni ku janë bazuar për të nxjerrë këtë leje, janë falso.
Bardhyl Gjyzeli ka drejtuar Bashkinë e Kuçovës gjatë viteve 2011-2015 dhe vinte nga radhët e PS./CNA.al





Lajmet e fundit nga