web counter
LEXO PA REKLAMA!

SHKARKO APP

App Store
Google Play

E fundit!

x

“Fatura e suksesit”/ Tomorri i numëron një më një qeverisë, gjobat që ranë në kurriz të shqiptarëve

6 Shtator 2020, 14:40, Politikë CNA

Gazetari i ekonomisë Klodian Tomorri, ka reaguar pasi Gjykata e Arbitrazhit vendosi që shteti shqiptar të paguajë 44 milion euro kompaninë greke ?Aktor? për punimet në autostradën Tiranë-Elbasan.

Tomorri ka numëruar gjobat e qeverisë Rama që i janë faturuar taksapaguesve shqiptarë në 7 vitet në pushtet.

Ai përmend 110 milionë eurot ndaj Bechetit, 94 milionë eurot për Cezin, 44 milionë euron ndaj Aktorit dhe 11 milionë euro për Pallatin e Vlorës.

Gazetari thotë se këto janë vetëm gjobat e mëdha, pa përfshirë gjyqet e vogla të pronave.

?Kur të nisë fushata, mes sukseseve të shumta, qeveria duhet të përmendë edhe këto më poshtë:

110 milionë euro Becheti

94 milionë euro Cezi

44 milionë euro Aktori

11 milionë euro Pallati i Vlorës

Këto janë vetëm gjobat e mëdha, pa përfshirë gjyqet e vogla të pronave. Në total 260 milionë euro deri tani. Janë shumë të tjera që presin në radhë.

Kjo është grabitja më e pastër, që u është bërë shqiptarëve ndonjëherë. Asnjë përgjegjësi ligjore, asnjë rrezik. Incentiva që zyrtarët e lartë të bëjnë pazare me kompanitë, është e madhe, ndërkohë që risku që të përballen me pasoja ligjore është zero.

Këtu ka vetëm një zgjidhje. Populli duhet të kërkojë referendum për një ligj, ku zyrtarët që firmosin vendime me pasoja në arbitrazh, të dënohen automatikisht me burgim të përjetshëm dhe konfiskim pasurie. Përndryshe ajo 260 milionëshja, do bëhet 26 miliardë euro brenda 10 viteve?, shkruan gazetari./ CNA.al





Lajmet e fundit nga