web counter
LEXO PA REKLAMA!

SHKARKO APP

App Store
Google Play

“Shumë shpejt do kemi një datë zgjedhjesh”/ Kryemadhi të rinjve: Vetëm ju mund ta sillni ndryshimin

5 Shtator 2020, 13:51, Politikë CNA

Kryetarja e LSI-së Monika Kryemadhi, deklaron se shumë shpejt do të kemi një datë për zgjedhjet parlamentare.

Në një postim në rrjetet sociale, Kryemadhi ka publikuar disa foto me të rinjtë e LRI-së dhe jep një mesazh për ta.

Ajo këshillon të rinjtë të mos ndalojnë në asnjë moment, pasi thekson se vetëm ata mund të ndryshojnë vendin.

?Shumë shpejt ne do të kemi një datë zgjedhjesh dhe kjo datë do të ketë një rëndësi shumë të veçantë për ju të rinjtë, sepse ne mendojmë që rinia shqiptare duhet të përfaqësohet në listat e deputetëve, duhet të përfaqësohet në vendimmarrje dhe duhet të përfaqësohet në qeverinë e ardhshme.

Unë do t?ju ftoja që të mos ndalonit në asnjë moment, do t?ju ftoja që të trokisnit në dyert e shokëve dhe shoqeve tuaja.

Kemi nevojë për ju, kemi nevojë për energjitë tuaja, kemi nevojë për mendjen tuaj, kemi nevojë për pasionin tuaj, por mbi të gjitha kemi nevojë që dëshirën tuaj dhe angazhimin tuaj për ta ndryshuar këtë vend, ju ta bëni realitet. Jam e bindur që vetëm ju mund ta realizoni këtë gjë?, shkruan kryetarja e LSI-së në rrjetet sociale./ CNA.al





Lajmet e fundit nga