E fundit!

09:36 Kosova & Bota

Shërbimi Gjeologjik i SHBA-së: Tërmeti që goditi Venezuelën ishte më i madhi në më shumë se një shekull

Tërmeti i së mërkurës ishte më i madhi që ka goditur Vene...

Thellohet skandali me makinën 100 milionëshe/ Lleshaj “kyç” gojën, asnjë reagim për mjetin luksoz

5 Shtator 2020, 09:34, Politikë CNA

Një javë më parë, CNA.al raportoi në lidhje me një skandal të padëgjuar më parë, në të cilin është përfshirë Ministri i Brendshëm, Samndër Lleshaj.

Bëhet fjalë për një makinë luksoze tip BMW, e cila vlen rreth 100 milionë, e blerë nga Policia e Shtetit, për Oficerin e Kontaktit në Ambasadën Shqiptare në Berlin.

Por, çfarë ndodh

Në fakt makina nuk ka qëndruar në Berlin, por është sjellë në Shqipëri , është targuar me targa shqiptare dhe përdoret nga ministri i Brendshëm, Sandër Lleshaj.

Pra, mjeti i cili nuk duhej të dilte nga territorit gjerman, në fakt është sjellë në Shqipëri, në kundërshtim me ligjin, thjeshtë dhe vetëm që ministri të shëtisë me një makinë luksoze.

CNA.al publikoi foto të bëra rreth dy muaj më parë, në oborrin e Policisë së Shtetit, ku ishte parkuar makina me targa Gjermane.

Më pas makina është targuar me targën AA 976 UT dhe sikurse shikohet nga foto më poshtë, është dërguar në Ministrinë e Brendshme, dhe përdoret nga Sandër Lleshaj.

CNA.al po ashtu disa ditë më parë, publikoi edhe foto të ministrit Lleshaj në Korçë, ku sigurisht binte në sy edhe mjeti luksoz.

Përplasjet mes institucioneve

Por, plotësimi i tekave të ministrit, i cili paska ?dashuri? të madhe për mjetet luksoze ka sjellë edhe përplasje mes institucioneve.

CNA.al ka raportuar se institucionet të cilat e kanë kundërshtuar këtë blerje janë Ambasada Shqiptare në Berlin dhe Ministria e Jashtme.

Po ashtu një person i cili ka debatuar ashpër dhe ka kundërshtuar blerjen e mjetit është edhe ish-Nëndrejtoresha e Përgjithshme e Policsë së Shtetit, Aida Hajnaj e cila aktualisht është në krye të BKH-së.

Po ashtu CNA.al një javë më parë i është drejtuar me një shkresë zyrtare Policisë së Shtetit dhe Drejtorisë së Përgjithshme të Shërbimeve të Transportit Rrugor, ku kërkojmë informacion në lidhje me mjetin në fjalë.

Nga Policia nuk kemi ende asnjë përgjigje zyrtare.

Ndërsa DPSHTRR ka kthyer një përgjigje qesharake, ku thuhet se ?Nuk mund të japim të dhëna personale të shtetasve pa pëlqimin e tyre?. (Lexo këtu)

Në fakt një përgjigje kjo tepër qesharake dhe skandaloze nga një institucion që mbahet me taksat e shqiptarëve.

Ne nuk kërkuam asnjë informacion personal, por kërkuam informacion për një mjet të blerë nga taksat e qytetarëve dhe që përdoret nga një funksionar shtetëror, që edhe ai paguhet po me taksat e qytetarëve.

Ndërkohë, CNA.al i është drejtuar me një shkresë edhe Komisionerit për Të Drejtën e Informimit, dhe presim përgjigjen zyrtare të institucionit në fjalë.

Por, fakti është se prej një jave nga publikimi i këtij skandali, ministri Sandër Lleshaj ka zgjedhur të ?kyçë? gojën, me shpresën se ?çudia më e madhe tre ditë zgjat”, duke thelluar kështu më tej skandalin e tij./ CNA.al

Ekskluzive-Sandër Lleshaj dhe Ardi Veliu kapen në mega-skandal/ Si u ?përvetësua? makina 100 milionëshe

Skandali me makinën 100 milionëshe/ Kur do flasë Sandër Lleshaj për BMW-në luksoze?

Makina 100 milionëshe e Sandër Lleshajt/ Thellohet skandali për blerjen e mjetit nga policia

Skandali me makinën 100 milionëshe/ Tre faktet që akuzojnë Sandër Lleshajn

Foto+Video-Skandali me makinën 100 milionëshe/ Sandër Lleshaj zbarkon në Korçë me BMW luksoze

Zbulohen detaje të reja nga skandali i makinës 100 milionëshe të Sandër Lleshajt