web counter
LEXO PA REKLAMA!

SHKARKO APP

E fundit!

x

Meta mesazh ditën e Shenjtërimit të Nënë Terezës/ “Për një Shqipëri më humane që përkujdeset me dashuri ndaj çdo qytetari në nevojë”

5 Shtator 2020, 08:35, Politikë CNA

Presidenti Ilir Meta ka përcjellë një mesazh ditën e sotme me anë të një statusi në rrjetet sociale, lidhur me Shenjtërimin e Nënë Terezës.

Ai e konsideron ditën e Shenjtërimit të Nënë Terezës, gjithashtu ditën ndërkombëtare të bamirësisë.

?Mbase ju nuk jeni të uritur për një copë bukë, por ndoshta është dikush atje në familje që është i padëshiruar, pa dashuri, pa kujdesje, i harruar. Atje është dashuria! Dashuria fillon nga shtëpia juaj! Një dashuri që është e vërtetë, dhemb! Kjo është ajo çfarë unë solla për ju. T?i jepni njëri-tjetrit më shumë dashuri!? ? SHËN NËNË TEREZA

Në Ditën e Shenjtërimit të Nënë Terezës, që është gjithashtu Dita Ndërkombëtare e Bamirësisë, vjen më i fortë se kurrë mesazhi se dashuria nuk duhet të mbetet vetëm, por duhet të vendoset në veprim dhe në shërbim, ndaj kujtdo që ka më shumë nevojë për të përballuar mjerimin, varfërinë, vuajtjet dhe vështirësitë e përditshme.

Vepra e Shën Terezës të frymëzojë solidaritetin dhe gjithëpërfshirjen mbarëkombëtare për të rikthyer shpresën, për një Shqipëri më humane dhe më të dhembshur që përkujdeset me dashuri dhe përulësi ndaj çdo qytetari në nevojë!? , shkruan Ilir Meta./ CNA.al





Lajmet e fundit nga