Reagon firma e akuzuar: S’kemi asnjë lidhje me ARRSH/ Bego: Sulme kriminale

6 Shtator 2020, 07:22, Politikë CNA

Biznesmeni Edmond Bego, i kompanisë ?Inerte Express? ka reaguar pas lajmeve të publikuara së fundmi në media mbi përfshirjen e kësaj shoqërie në punimet e rrugës Tiranë-Elbasan.

Në reagim, thuhet se lajmet e publikuara në media se shoqëria paska marrë përsipër punimet pas ndërprerjes së kontratës me firmen ?Aktor? nuk janë aspak të vërteta. Bego thekson se “asnjëherë dhe për asnjë punë apo kontratë nuk jemi kontraktuar nga ARRSH-ja jo vetëm për këtë segment rrugor por për asnjë tjetër”.

?Nisur nga lajmet e publikuara së fundmi nga disa media mbi përfshirjen e shoqërisë ?Inerte Express? në punimet e rrugës Tiranë-Elbasan sqarojme si vijon. Shoqëria ?Inerte Express? shpk është një shoqëri private e krijuar konform legjislacionit dhe ushtron veprimtarinë e saj në fushën e ndërtimit përfshirë prodhim inertesh si dhe prodhim e shitje betoni si produkt i veprimtarise në ndërtim. Lidhur me lajmet e hedhura ne tregun mediatik se shoqëria që zotëroj paska marrë përsipër punimet pas ndërprerjes së kontrates me firmën Aktor nuk është aspak e vërtetë dhe kjo deklaruar me përgjegjësi të plotë nga ana ime.

Së pari shoqëria që unë zotëroj sic e shpjegova dhe më sipër merret me aktivitetet e mësipërme dhe nuk ka qenë asnjëherë e kontraktuar nga enti përkatës për të përfunduar apo për të punuar në këtë kontratë. Si të gjithë shoqërite private ne jemi përzgjedhur nga shoqeria aktor që në fillimin e kësaj kontratë për furnizim me inerte dhe beton, kjo ka ndodhur në kohën kur qeveria drejtohej nga PD (Sali Berisha kryeministër).

Me përgjegjësi të plotë ligjore deklaroj se asnjëherë dhe për asnjë punë apo kontratë nuk jemi kontraktuar nga ARRSH-ja jo vetëm për këtë segment rrugor por për asnjë tjetër. Lidhur me këtë ne jemi besimplotë se nuk kemi kryer asnjë shkelje ligjore për sa kohë ne kemi qenë në rolin e furnitorit me materialet Inerte dhe beton siç cdo subjekt privat tjetër do të bënte. Për më tepër kompani aktor ka bashkëpunuar me shumë shoqëri shqiptare për punë të ndryshme gjatë kohës së ndërtimit të kësaj rruge, ne si shoqëri nuk do kufizohemi as ndikohemi nga drejtimi politik momental dhe as nga miqësitë majtas dhe djathtas në aktivitetin tonë të përditshëm. Për shkak të luftës së pamoralshme politike ne nuk mund të jemi objekt sulmi me qëllim përbaltje të kundërshtarit dhe akuza krejtësisht të hamendësuara si dhe të hartuara në mënyrë krejtësisht krimimanle.

Marrë shkas se kemi qenë vazhdimisht nën një sulm mediatik duke cënuar në mënyrë të drejtperdrejt aktivitetin e shoqerisë sime kërkoj që nuk do të lejoj asnjë sulm apo insinuatë të tillë dhe për këtë do ndërmarr të gjithë hapat proceduriale duke kërkuar përballje dhe t?i mbrojnë këto deklarata në sallën e gjyqit?, thuhet në reagimin e Begos./CNA.al