web counter
LEXO PA REKLAMA!

SHKARKO APP

App Store
Google Play

“Nuk ia lëshojmë detin Greqisë”/ Idrizi: Marrëveshja me Greqinë nuk është kusht për integrimin

6 Shtator 2020, 13:40, Politikë CNA

Kryetari i PDIU-së, Shpëtim Idrizi, ka kundërshtuar sërish deklaratat e kryeministrit grek Kyriakos Mitsotakis për çështjen e kufirit.

Idrizi tha se dhënia me fuqi të plotë i dy ishujve  do të na kushtojë kur të rinisim negociatat për zonat ekonomike.

?Është e papranueshme dhe në dëm të interesit dhe integritetit kombëtar pranimi nga qeveria shqiptare i deklaratave të Greqisë se do të zgjerohet me 12 milje. Dhënia me fuqi të plotë i dy ishujve  do të na kushtojë kur të rinisim negociatat për zonat ekonomike, sepse vërtet Greqia nuk do të na hyjë kodra pas bregut siç thotë kryeministri mbi ne, por do të jenë kufiri fundor nga i cili do nisen për të përcaktuar zonat ekonomike dhe prapë Shqipëria do të ngushtohet?, u shpreh ai për Report Tv.

Kreu i PDIU-së deklaroi se çështja e detit nuk përbën problem për intergrimin e Shqipërisë në BE, ndaj Shqipëria nuk duhet të lëshojë pe.

?Nuk mundet çdo autokrat që do të rrijë në pushtet të thotë që unë do lëshoj detin dhe territorin përballë vetos greke. Shqipëria është anëtare e NATO-s dhe gëzon statusin e vendit kandidat. Dhe mesa di unë Shqipërisë i janë vendosur 15 kushte të tjera. Marrëveshja me Greqinë nuk është kusht për integrimin?, theksoi Idrizi./ CNA.al





Lajmet e fundit nga