web counter
LEXO PA REKLAMA!

SHKARKO APP

App Store
Google Play

E fundit!

x

Rasti i familjes Prendi/ Ina Zhupa i përgjigjet Bashkisë Tiranë: Ndihma nuk i mjafton as për ilaçe

8 Shtator 2020, 14:54, Politikë CNA

Zëdhënësja e Partisë Demokratike, Ina Zhupa, ka reaguar sërish pas deklaratës së Bashkisë Tiranë, e cila pretendon se familja Prendi në Kombinat po trajtohet me bonus qiraje që prej janarit të këtij viti.

Zhupa thotë se Nik Prendi nuk e ka mohuar bonusin e bashkisë, por sipas saj, kjo ndihmë nuk i mjafton as për ilaçet e dy të moshuarve.

?Bashkia Tiranë që kujdeset vetëm për makiazhin e saj as e ka idenë e halleve të qytetarëve të prekur nga tërmeti. Edhe sot pas denoncimit konkret të problemit të qytetarit Nik Prendi u mjaftua me një faturë poste. Nik Prendi se mohoi kurrë që ka marrë atë ndihmë, por ajo shumë nuk mjafton as për ilaçet e dy të moshuarve.

Nik Prendi thotë ka shkuar 50 herë dhe askush nuk i thotë çfarë do të bëhet me shtëpinë e tij. Kjo mënyrë e dale boje e të bërit propagande me hallet e qytetarëve është që në zanafillë e demontuar përballë halleve konkrete të banorëve, banesat e te cilëve janë të dëmtuara nga tërmeti.

Partia Demokratike është e vendosur të denoncojë çdo rast abuzimi me projektin e dështuar të rindërtimit, i cili ka në themel të tij abuzimet me fondet dhe taksat e shqiptarëve. Te pangopur me vjedhje dhe nga fatkeqësia, kryekllouni dhe vartësi i tij në bashki nuk bindin dot askënd, madje as oborrin e tyre, se po ndihmojnë qytetarët?, shkruan demokratja në rrjetet sociale./ CNA.al





Lajmet e fundit nga