web counter
LEXO PA REKLAMA!

SHKARKO APP

App Store
Google Play

“Opozita i ka gati skemat”/ Ndoka: Listat e hapura shkatërrojnë PS dhe PD, nuk do ketë cilësi

8 Shtator 2020, 15:41, Politikë CNA

Kryetari i demokristianëve, Nard Ndoka, ka folur ditën e sotme për listat e hapura.

Ndoka pretendon se listat e hapura do të sjellin shkatërrimin e dy partive më të mëdha në vend, siç janë PD dhe PS.

Sipas tij, produkti i listave të hapura nuk do të ketë cilësi, pasi deklaron se grupet kriminale do fusin përfaqësuesit e tyre duke ushtruar trysni.

?Listat e hapura janë shumë të rëndësishme për partitë e treta politike si partitë tona, i shkatërrojnë Partinë Demokratike dhe Partinë Socialiste. Çdo parti politike së pari duhet të ruajë lidershipin e vet, duhet të ruajë ato personazhe që nuk mund të testohen te qytetarët, se ne do t?i shohim dhe produktin e listave të hapura, nuk do të ketë cilësi, do të ketë përfaqësues të grupeve kriminale, të oligarkëve, të fortët e lagjeve që do të ushtrojnë trysni në këto lista?, u shpreh ai në një prononcim për Report Tv.

Aleati i Lulzim Bashës, tha se opozita i ka gati të gjitha skemat për të shkuar në zgjedhje si me koalicione, qoftë edhe pa koalicione parazgjedhore.

?Opozita e bashkuar i ka të gjitha skemat e duhura. Jemi për koalicionin klasik, por për çdo marrie që mund të kemi përballë, jemi të përgatitur së pari për ta ndaluar këtë aventurë e së dyti edhe për ta rrëzuar fare Ramën”, theksoi ai./ CNA.al





Lajmet e fundit nga