web counter
LEXO PA REKLAMA!

SHKARKO APP

App Store
Google Play

Deklaratat e Yuri Kim dhe Topallit/ Ndoka: Jozefina të aktivizohet në politikë

8 Shtator 2020, 15:56, Politikë CNA

Kryetari i Partisë Demokristiane, Nard Ndoka, ka bërë disa deklarata të forta për ish-kryeparlamentaren Jozefina Topalli, duke marrë shkas nga prononcimet e saj nëpër media.

Ndoka pretendon se Topalli po e sheh nga helikopteri situatën dhe i kërkoi asaj të zbresë në tokë. Aleati i Lulzim Bashës tha se ish-kryeparlamentarja duhet të aktivizohet në politikë.

?Për fatin e keq Topalli e sheh nga helikopteri, nga lart situatën politike. Duhet të zbresë në tokë. Nuk e ndalon njeri të krijojë një formacion të ri politik ose t?i bashkohet edhe ajo Rudina Hajdarit ose Murrizit. Të aktivizohet në politikë. Politika është pjesëmarrje, nuk mund të bëjë rolin e gladiatorit duke gjuajtur me shigjeta këdo që nuk i pëlqen në politikën shqiptare?, u shpreh ai për Report Tv.

Ndërkohë, kreu i PDK-së ka dhënë edhe një mesazh për ambasadoren e SHBA-ve në Tiranë Yuri Kim, pas thirrjes së saj për vetting të kandidatëve për deputetë.

?Ndërkombëtarët bëjnë shumë mirë që i porosisin partitë politike, por unë kam edhe për ndërkombëtarët vërejtjet e mia. Edhe ambasadorja e SHBA nuk duhet të bëjë strucin por duhet të shohë që elementët kriminalë  kanë dalë dhe janë pjesë e strukturave të PS. Njerëz që janë shpallur non grata në SHBA, akullorja e Durrësit Rama e ka shok dhe komunikon çdo natë me Dakon, edhe tjetrin që ka në Shkodër e përdor për të mbledhur vota?, theksoi Ndoka./ CNA.al





Lajmet e fundit nga