web counter
LEXO PA REKLAMA!

SHKARKO APP

App Store
Google Play

E fundit!

x

“S’kanë ndodhur kurrë kaq shpejt ndryshime kushtetuese”/ Bylykbashi: Rama po përdor gratë…

8 Shtator 2020, 19:24, Politikë CNA

Përfaqësuesi i PD-së në Këshillin Politik, Oerd Bylykbashi, ka folur sërish për ndryshimet kushtetuese të bëra pa miratimin e opozitës së Lulzim Bashës.

Bylykbashi deklaroi mbrëmjen e sotme se ndryshimet në kodin zgjedhor nuk kanë ndodhur kurrë kaq shpejt.

?Koha nga dita kur hynë në fuqi rregullat e reja në garën mes subjekteve zgjedhore dhe dita e regjistrimit të subjekteve zgjedhore është vetëm 4 muaj. Nuk ka ndodhur kurrë. Gjithashtu nuk ka ndodhur kurrë që kodi zgjedhor të ketë ndryshuar në kaq pak kohë. Në vitin 2008 u deshën 7 muaj negociata për të ndryshuar Kushtetutën, nga shtatori i 2007-21 prill të 2008 e cila u bë me konsensus. Pastaj nga prilli deri në nëntorin e 2008 u bë ndryshimi i Kushtetutës me konsensus. Pra ishin 14 muaj për të ndryshuar?, u shpreh ai në Ora News.

Më tej, ai theksoi se formula e kompozimit të koalicioneve nuk duhet ndryshuar.

?Formula e koalicioneve si kompozohen sot nuk duhen ndryshuar. Për ne një çështje është e rëndësishme në këtë proces, hapja e listave 100 përqind. Pjesa tjetër, ndryshimet në pragun zgjedhor, këto mund të marrin kohë dhe të krijojnë konfuzion tek zgjedhësit. Hibride që nuk funksionojnë, Edi Rama mos të përpiqet tja shesë askujt.

Ajo që thotë ai është qartazi një tentativë për të bllokuar një pjesë të listës e cila do të bënte të pamundurën që zgjedhësit të kenë hapësirën që të përcaktojnë të gjithë një për një. Kuotat gjinore në listat e hapura kanë problem pasi është zgjedhësi që vendos dhe një nga arsyet pse është zgjedhur lista e mbyllur në vitin 2008 ishte kuota gjinore. Nëse do të kishte ngritur çështjen e listës së hapur ne do të kishim biseduar dhe për kuotat. Mos përdor gratë Edi Rama për të fshehur tentativën për të mbyllur listën. Detajet teknike do të punohet për t?i gjetur?, nënvizoi demokrati./ CNA.al





Lajmet e fundit nga