web counter
LEXO PA REKLAMA!

SHKARKO APP

App Store
Google Play

E fundit!

x

Me bukuri natyrore dhe tradita/ Fshati Zogaj në konkurrim për fshatin më të mirë në botë

14 Qershor 2025, 16:29, Qyteti im CNA

Me bukuri natyrore dhe tradita/ Fshati Zogaj në konkurrim për fshatin

Në zemër të natyrës dhe historisë, fshati Zogaj priti vizitorë dhe dashamirës të trashëgimisë kulturore që u njohën nga afër me jetën, traditat dhe mjeshtërinë e banorëve të zonës.

Programi përfshiu një seri aktivitetesh që sollën në vëmendje bukuritë natyrore, jetën e përditshme dhe pasuritë shpirtërore të komunitetit: guida lokale në rrugicat e fshatit dhe në pikat karakteristike pranë liqenit, rrëfime historike, kinema në natyrë, punëtori artizanale, degustime të gatimeve tradicionale.

Me bukuri natyrore dhe tradita/ Fshati Zogaj në konkurrim për fshatin

“Jemi mbledhur sot këtu në kuader të projektit "N' fshat". Në fakt kemi zgjedhur 5 fshatra në shqipëri. Arsyea përse jemi mbledhur këtu është sepse në 2 vite ne kemi mbledhur produkte të ndryshme fshati. Këto u ndërtuan bashkë me banorët. Kemi ndërtuar 14 varka peshkimi, kemi blerë jelekë shpetimi, kemi riparuar rrjeta. Tashmë kemi aplikuar për fshatin më të mirë në botë, ku ne po konkurojmë me 6 fshatra dhe marin pjesë 60 shtete me mbi 200 fshatra. Shiroka është një ndër këto fshatra. Ne prezantuam produktet dhe oferten turistike. Mund të bëjmë xhiro me kajak dhe shumë aktivitete të tjera. Do kemi edhe kinemanë në natyrë ku do shohim edhe një film së bashku. Do jemi sërish ditët e tjera me shumë aktivitete të tjera me peshkatarë, treg të artizaneve dhe tryeza diskutimi me disa operatorë për të biseduar mbi mundësitë që ka sot ky fshat”,-tha Gent Fetahaj nga GIZ Albania.

Zogaj, fshati piktoresk buzë liqenit të Shkodrës, u kthye për dy ditë në një qendër të gjallë të kulturës, turizmit dhe trashëgimisë shqiptare përmes eventit “Tregime Fshati”, që u zhvillua më 13 dhe 14 Qershor.

Me bukuri natyrore dhe tradita/ Fshati Zogaj në konkurrim për fshatin

Ky aktivitet është pjesë e iniciativës “N’Fshat”, e ndërmarrë nga GIZ Albania dhe Ministria e Turizmit dhe Mjedisit, që prej vitit 2022 synon të krijojë modele të qëndrueshme të zhvillimit rural duke fuqizuar komunitetet lokale dhe vlerat e tyre autoktone./CNA





Lajmet e fundit nga