web counter
LEXO PA REKLAMA!

SHKARKO APP

App Store
Google Play

E fundit!

x

“Simfoni e jetës”/ Shkolla speciale “3-Dhjetori” pajiset me dhomë profesionale terapeutike

5 Qershor 2025, 17:53, Qyteti im CNA

“Simfoni e jetës”/ Shkolla speciale “3-Dhjetori”

Në Shkollën Speciale “3-Dhjetori” në Shkodër është inaguruar dhoma profesionale, që do u vijë në ndihmë fëmijëve me aftësi ndryshe që të evidentojnë talentet që kanë.

“Kjo dhomë ka një funksion të tillë që ti përgatisë nxënësit për të marrë një profesion në të ardhmen. Përmes kësaj dhome ne do të identifikojmë talentet dhe dhuntitë e tyre të vecanra e synojmë ti zhvillojmë ato”,-tregon Enkeleda Mataj, drejtore, shkolla speciale “3-Dhjetori”.

Ishte një nga shkollat private të qytetit ajo e cila përmes projektit "Simfoni e jetës" vuri në zbatim këte ide që u lindi nxënësve të tyre gjatë zhvillimit të praktikës profesionale. Qëllimi ishte të ndihmonin fëmijët me aftësi të veçanta.

“Simfoni e jetës”/ Shkolla speciale “3-Dhjetori”

“Drejtimi e shkollës sonë është puna me projektet dhe thamë përse të mos e bëjmë ketë në qytetin tonë. Ishte një eksperiencë e bukur, por pati edhe vështirësitë e veta, patëm vështirësi si në buxhet edhe në kohë, pra limitin e kohës që kishim, por me aq resurse sa kishim kemi bërë maksimumin për të bërë atë që shkollës i duhej”,-tha Majlinda Gokaj, drejtore shkollës ‘Maarif’.

Për drejtuesen e arsimit në Shkodër, iniciativa të tilla janë përherë të nevojshme dhe krahas ndihmës, vijnë edhe si mesazhe sensibilizuese.

“Mundësitë që shkolla ‘3-Dhjetori’ u ofron këtyre nxënësve janë mundësi të investuara nga pushteti vendor dhe qendror. Por kjo formë ishte më e veçantë sepse një institucion privat ofron ndaj një institucioni shtetëror dhe kjo është ndryshe”,-tha Brisela Kadia, Drejtore ZVA Shkodër.

“Simfoni e jetës”/ Shkolla speciale “3-Dhjetori”

Në shkollën speciale "3-Dhjetori" marrin dije rreth 70 nxënës me aftësi ndryshe. Përmes kontributeve të ndryshme, kjo shkollë ka pasur disa plotësime me salla dhe hapësira të nevojshme terapeutike për këta fëmjë./CNA





Lajmet e fundit nga