E fundit!

21:27 Aktualitet

Çështja e aeroportit të Vlorës/ Gjykata e Tiranës "ngrin" situatën

Gjykata e Shkallës së Parë Tiranë ka vendosur të ngrijë si...

Festivali Mbarëkombëtar i Këngës për Fëmijë

31 Maj 2025, 11:43, Qyteti im CNA

Mbrëmjen e së premtes nisi edicioni i 63-të i Festivalit Mbarëkombëtar të Këngës për Fëmijë me një mbrëmje plot emocione dhe energji në sheshin para teatrit “Migjeni” në Shkodër.

Në natën e parë u prezantuan për publikun 14 këngë të reja.

U interpretuan 14 këngë të reja: 9 në kategorinë “Junior” dhe 5 në kategorinë “Të vegjlit”, duke sjellë në skenë zërat e brezit të ri të muzikës shqiptare.

Redaktori i muzikës, Bardhyl Hysa, si dhe moderatorët Edona Reshitaj dhe Erdit Asllanaj, vlerësojnë nivelin artistik dhe atmosferën entuziaste të kësaj mbrëmjeje festive në Shkodër.

“Ishte e mrekullueshme, ishte përgjegjësi e madhe me thënë të drejtën. Eksperienca ime është jo e vogël në skenë, por as e madhe për të prezantuar festival të këtyre përmasave. Por energjia dhe siguria e fëmijëve të vegjël në skenë na jepte edhe ne siguri për të kaluar një mbrëmje si kjo e sotmja", tha Asllanaj.

"Ju nuk e keni idene që unë vija për herë të parë në Shkodër. Kam ardhur më herët kalimthi, por sot erdha tamam. Me fëmijë merrem prej shumë kohësh, por një festival të tillë nuk më kishte rastisur të udhëhiqja. Kemi emocione, pavarësisht eksperiencës, emocionet janë të pashmangshme. Fëmijë të mrekullueshëm, unë jam nënë e 2 fëmijëve dhe e di energjinë e tyre. Ju shkodranë me atë të folurën jeni të jashtëzakonshëm", u shpreh Reshitaj.

"Rezultoi të ishte një fillim i mbarë para kërtij tempulli, para teatrit. Mendoj që ky vit ishte i veçantë sepse sollëm këngë nga të gjitha trevat dhe kompozitorët më në zë. Kori ishte në formën e duhur, ai që i jep dritë dhe zë kërij festivali. Shpresoj që e njëjta gjë të vijojë edhe në natën e dytë dhe të tretë dhe ky festival të jetë një festë e vërtetë e fëmijëve", tha Bardhyl Hysa.

Një moment i veçantë ishte ngjitja në skenë e këngëtares së re Nikol Çabeli, fituese e edicionit të 61-të të këtij festivali dhe përfaqësuese së fundmi e Shqipërisë në Junior Eurovision. E rikthyer në qytetin ku nisi suksesi i saj, Nikol tha se ishte eksperienca më e bukur për të.

"Ndihem shumë mirë dhe shumë e emocionuar që do të shkojë një tjetër e do të provojë eksperiencën time. Kushdo që të fitojë do të ketë eksperiencën më të bukur të jetës", u shpreh Nikol Çabeli.

Edicioni i 63-të i Festivalit do të vijojë me natën e dytë, ku do të prezantohen edhe 15 këngë të tjera në garë. Për herë të parë fituesi i këtij festivali do të përfaqëzojë Shqipërinë në Junior Eurovision./ CNA