web counter
LEXO PA REKLAMA!

SHKARKO APP

App Store
Google Play

E fundit!

x

Rikonstruksioni i shkollës "Ndre Mjeda" në Shkodër/ Kalamishi: Synojmë të përfundojë në shtator

29 Maj 2025, 15:01, Qyteti im CNA

Rikonstruksioni i shkollës "Ndre Mjeda" në Shkodër/

Rikonstruksioni i plotë i shkollës 9-vjeçare “Ndre Mjeda” në Shkodër ende është në proces, një financim i Ministrisë së Arsimit dhe Bashkisë Shkodër. Inxhinieri Adrian Kalamishi bëri me dije se përfundimi i punimeve është parashikuar për muajin janar të vitit të ardhshëm, por dy brigada po punojnë me kapacitet të plotë për të përshpejtuar procesin, me synimin që shkolla të jetë gati që në nisje të vitit të ri shkollor 2025-2026.

Rikonstruksioni i shkollës "Ndre Mjeda" në Shkodër/

 “Jemi duke punuar me intensitet të lartë sepse kemi futur dy brigada të veçanta në pjesën e vjetër të ndërtesës, ku po bëhet rikonstruksioni edhe në pjesën e re, dhe besoj se do të ecim paralel me të dyja këto mjedise që po ndërtohen për ta kryer sa më shpejt si objekt. Do mundohemi ta përfundojmë përpara afateve të përcaktuara, në mënyrë që në shtator të jetë gati për fillimin e vitit të ri shkollor”,-tha Kalamishi.

Rikonstruksioni i shkollës "Ndre Mjeda" në Shkodër/

Punimeve i është shtuar edhe ndërtimi i një godine të re, e cila do të përfshijë kopsht dhe disa klasa shtesë. Inxhinieri Kalamishi theksoi se të gjitha ndërhyrjet po realizohen sipas standardeve më të mira dhe do të garantojnë kushte bashkëkohore si për nxënësit, ashtu edhe për stafin pedagogjik.

“Punimet janë duke ecur me ritme të larta. Konkretisht jemi duke ndërhyrë tek pjesa e vjetër e godinës së kësaj shkolle, si dhe do të ketë edhe një pjesë të re që do të shtohet. Pjesa e re është një ndërtesë që po bëhet nga fillimi dhe është me katër kate. Do të shtohet një kopësht me dy ambiente dhe çdo kat ka katër klasa shtesë, tualetet dhe mjediset ndihmëse si dhe zyrat e shkollës”,-tha Kalamishi.

Ky investim është pjesë e një ndërhyrjeje që po realizohet në disa shkolla të qytetit. Shkolla "Ndre Mjeda" është ndër më të mëdhat në qytet, ku në nisje të vitit shkollor kishte 800 nxënës. Këta të fundit po realizojnë procesin mësimor në shkolla të tjera me turne, deri në përfundim të punimeve./CNA





Lajmet e fundit nga