web counter
LEXO PA REKLAMA!

SHKARKO APP

App Store
Google Play

Përurohet në Përmet skulptura e mjeshtrit të klarinetës, Laver Bariu

22 Maj 2025, 21:20, Qyteti im CNA

Përurohet në Përmet skulptura e mjeshtrit të

Mes emocioneve dhe muzikës, mes shumë përmetarëve, miqve, të ftuarve, turistëve kureshtarë dhe me praninë e pesë fëmijëve të Laver Bariut, mbrëmjen e djeshme në Përmet u organizua ceremonia zyrtare e përurimit të skulpturës së artistit të pavdekshëm, mjeshtrit të klarinetës.

Prania e pesë fëmijëve të Laver Bariut në këtë ceremoni ishte një emnocion më vete për të pranishmit ku këta të fundit u kanë shprehur mirënjohje të thellë për këtë trashëgimi që i kanë dhuruar Përmetit dhe Shqipërisë.

Ceremonia e nisur nga qendra e Përmetit, ka qenë e kuruar në çdo detaj edhe nga valltaret e reja e sazet e qytetit nga ku do mbetet në memorien kolektive të respektimit që u bëhet artistëve të pavdekshëm përmetarë me përmasa jo vetëm lokale, por edhe kombëtare e ndërkombëtare.

Skulptori që derdhi në bronx Laverin, mes emocionesh shprehet se ideja ka qenë fantastike ndërkohë që teksa e punonte objektin, dëgjonte në sfond kabatë e Laverit si një frymëzim për ta shndërruar atë në një vepër të prekshme.

Përurimi i shtatores së Laver Bariut, çeli zyrtarisht Edicionin I të Vjosa Art Fest duke na kujtuar se arti i vërtetë jeton përgjithmonë në zemrat e njerëzve./ CNA





Lajmet e fundit nga