E fundit!

12:07 Opinione Ardi Stefa

Ndryshimi mund të presë edhe pak...

Paraqitja e fytyrave të reja në politikë është gjithmonë l...

Vlora qyteti shumëkombësh/ Të huajt punësohen në sektorin e turizmit

28 Shkurt 2025, 19:09, Qyteti im CNA

Vlora qyteti shumëkombësh/ Të huajt punësohen në

Në Vlorë pothuajse të gjitha subjektet private kanë tashmë të paktën një shtetas të huaj të punësuar në sektorin e turizmit.

Janë pikërisht strukturat hotelerike apo baret dhe restorantet të cilat ashtu si vitin e kaluar, edhe këtë sezon që na pret, do ta menaxhojnë fluksin e muajve të verës me shtetas të huaj, kryesisht nga Miamari.

Një prej tyre është Mei (Mei Htoon), 36-vjeçarja nga Miamari, e cila tashmë prej 9 muajsh jeton dhe punon në qytetin bregdetar.

Vlora qyteti shumëkombësh/ Të huajt punësohen në

“Në 2020-ën u largova nga vendlindja ime në drejtim të Dubait, duke punuar po në këtë fushë, fillimisht si recepsioniste më pas si fizioterapiste dhe më pas menaxhim. Por pas 5 vitesh atje, u mërzita dhe isha duke planifikuar për t’u shpërngulur diku në Europë, krejt papritur u gjenda në Vlorë, pasi i dashuri im në bazë të lidhjeve të tij me Shqipërinë gjeti punë në këtë hotel për mua”, tha 36-vjeçarja.

Mei shprehet se eksperienca e saj në Vlorë ka qenë dicka e re, por me një frymë mjaft mikpritëse.

Duke folur për kushtet e punës ngelet e kënaqur duke menduar të vazhdojë rrugëtimin e saj në terma më të gjatë.

“Në fillim kur erdha këtu ishte dicka e re për mua, një eksperiencë shumë ndryshe dhe sinqerisht duhet ta them se i dua njerëzit këtu, e vërteta është se këtu ndihem e lirë, nuk dua të jem më pjesë e komuniteteve të mbyllura, po bëj gati një vit këtu dhe nuk kam ndërmend të largohem për një periudhë të gjatë, gjithashtu eprorët e mi, ata janë të komunikueshëm dhe në sytë e tyre shoh besimin që kanë tek unë, prandaj dhe dua të vazhdoj të punoj këtu”, tha Mei.

Të huajt në Vlorë nuk janë më një fenomen që e shikon vetëm gjatë sezonit veror. Tashmë përgjatë gjithë vitit me mijëra të huaj janë kthyer në rezidentë të përhershëm në këtë qytet. Dhe madje po përshtaten edhe me zakonet dhe me gjuhën shqipe./ CNA