web counter
LEXO PA REKLAMA!

SHKARKO APP

App Store
Google Play

Ambasadori italian, Fabrizio Bucci merr titullin “qytetar nderi” në Gjirokastër

10 Janar 2025, 22:50, Qyteti im CNA

Ambasadori italian, Fabrizio Bucci merr titullin “qytetar nderi”

Në një ceremoni të zhvilluar ditën e sotme Bashkia e Gjirokastrës i ka dhënë titullin “qytetar nderi’ ambasadorit italian në Tiranë, Fabrizio Bucci

Ceremonia e dorëzimit të titullit është organizuar në ambientet e banesës së Ismail Kadaresë me pjesëmarrjen e drejtuesve më të larte vendorë.

Titulli qytetar nderi iu dha me motivacionin: "Për kontributin e dhënë në forcimin e lidhjeve historike dhe të bashkëpunimit aktual mes Italisë dhe Gjirokastrës. Mirënjohje për vëmendjen dhe iniciativat e tij me ndikim në ngritjen në një nivel edhe më të lartë të marrëdhënieve, falë realizimit me sukses të programeve dhe projekteve në fushat e kulturës, turizmit, ekonomisë dhe edukimit"

Ambasadori italian, Fabrizio Bucci merr titullin “qytetar nderi”

Ambasadori italian ka çmuar vlerësimin që i është bërë nga Bashkia e Gjirokastrës, duke u shprehur se do të rikthehet jo si ambasador tashmë i emëruar në Gjermani, por si nje qytetar i thjeshtë.

 

“Është nje nder i madh per mua pas 5 viteve të kaluara këtu në Shqipëri, pasi jam një mik i saj. Pas 5 vitesh mbarova mandatin tim, por Shqipëria do të rrijë gjithmonë në zemrën time dhe do të kthehem këtu. Italianët janë të parët që vijnë për turizëm këtu, grupet sa vijnë e rriten, sipermarresit po ashtu që investojnë, edhe marrëdhëniet mes dy qeverive në këto vite janë përforcuar edhe më shumë.

Bucci foli edhe për krizën politike në vendin tonë dhe tensionet mes pozitës dhe opozitës

Për fat të keq situata politike në Shqipëri vijon të jetë konfliktuale, pas pak muajsh do të jenë zgjedhjet dhe unë uroj që të jetë një fushatë e bazuar në fakte dhe programe pasi votuesit shqiptarë kanë të drejtë dhe duan të njihen me programet e partive politike, - ka thënë ndër të tjera ambasadori.

Ambasadori italian, Fabrizio Bucci merr titullin “qytetar nderi”

Kryebashkiaku i Gjirokastrës Flamur Golemi  vlerësoi kontributin e Bucit në këto katër vite të qendrimit të tij në Shqipëri dhe sidomos kontributin që ka dhënë për Gjirokastrën.

 

 

 





Lajmet e fundit nga