E fundit!

12:08 Aktualitet

Protestat/ Rama: Askush nuk mund ta ndalë rrugën e Shqipërisë drejt BE-së

Kryeministri Edi Rama në një intervistë të dhënë për gazet...

Vila Dervishaliu në Llogara/ Bashkimi i traditës dhe modernitetit në zemër të natyrës

17 Dhjetor 2024, 22:34, Qyteti im CNA

Vila Dervishaliu në Llogara/ Bashkimi i traditës dhe modernitetit

Parku Kombëtar i Llogarasë, një nga destinacionet më të njohura turistike të Shqipërisë, vazhdon të tërheqë mijëra vizitorë nga e gjithë bota. Ky park është një nga pikat kyçe të turizmit shqiptar, ku mali dhe deti bashkohen në një peizazh magjepsës, duke ofruar një atmosferë të pazëvendësueshme.

Llogaraja, me klimën e saj të freskët dhe pamjen e mrekullueshme, është një vend ku mund të kaloni momente relaksuese dhe të bukura me miqtë dhe familjen.

Një nga lokacionet që e bën këtë zonë edhe më të veçantë është Vila Dervishaliu, një vilë e cila ofron një përvojë unike për të gjithë ata që vizitojnë këtë rajon. E hapur në vitin 2014, vila është një ndër objektet më të vjetra dhe me vlera historike të zonës, ku tradita dhe moderniteti janë të përziera në një harmoni të përsosur. Vila ofron shërbime të klasit të lartë, përfshirë restorant, bar dhe akomodim hotelier, duke krijuar një përvojë të paharrueshme për çdo vizitor.

Në një intervistë për CNA TV, pronari i Vilës Dervishaliu, Bexhet Dervishaliu, ndau disa prej veçorive dhe vlerave që bëjnë këtë vilë një destinacion të veçantë.

"Kam emigruar prej shumë vitesh dhe vendosa të kthehem në Shqipërinë time aty ku prej vitit 2014 fillova biznesin tim në zonën e Llogarasë, duke e hapur si restorant dhe më pas hoteleri.

Emrin e biznesit e vendosa të tillë, pasi kjo është pronë e shumë trashëgimtarëve tani dhe dëshiroja të mbante mbiemrin tonë, kjo zonë ndryshe quhet Qafa e Llogarasë, një zonë e cila është prej shekujsh një zonë turistike”, u shpreh ai.

Biznesmeni theksoi se ushqimi tradicional është një nga pikat kyçe të biznesit të tyre, duke u angazhuar për të ofruar një përvojë kulinarie autentike që reflekton traditat dhe shijet e zonës.

"Ushqimet në lokalin tonë pothuajse të gjitha janë natyrale që nga llojshmëria e mishit. Më të tërhequrat nga turistët janë ushqimet si keci i zonës, arapashi të cilat na kanë ngelur si traditë, djathrat e pjekur, pispilia e më gjerë. Turistët tanë kanë preferencën për t’i provuar pothuajse të gjitha gjërat e menusë tradicionale”, tha Dervishaliu.

Vila Dervishaliu në Llogara/ Bashkimi i traditës dhe modernitetit

Ai u shpreh se për të është një privilegj i madh, pasi edhe pas shumë vitesh klientët e tij të parë në këtë vilë vazhdojnë ende dhe sot ta frekuentojnë biznesin e tij.

Një tjetër karakteristikë e veçantë e kësaj vile janë dhomat e hotelit, të cilat janë restauruar kohët e fundit me shumë përkushtim. Restaurimi ka pasur për qëllim të krijojë një ambient të ngrohtë dhe të rehatshëm për vizitorët, ndërkohë që janë ruajtur elementët e natyrës dhe traditës lokale.

"Dhomat janë restauruar për t’u përshtatur me peizazhin përreth, duke i ofruar mysafirëve një atmosferë sa më të ngrohtë dhe të këndshme,", deklaroi biznesmeni.

Kjo përpjekje për të integruar elementet natyrore si mali dhe deti e bën këtë vilë një oaz për ata që kërkojnë një largim të qetë nga rutina e përditshme.

Vila Dervishaliu në Llogara/ Bashkimi i traditës dhe modernitetit

"Dhomat e hotelit janë me një sistem të mirë, duke ju përshtatur dhe zonës, pasi luksi në këtë zonë është diçka e tepërt dhe e papërshtatshme me sistem ngrohje dhe me të gjitha kushtet e nevojshme", theksoi ai.

"Nëse dëshironi që pushimet tuaja të jenë sa më relaksuese dhe të bukura, pranë natyrës së paprekur të malit dhe detit, Vila Dervishaliu është vendi perfekt që do t’ju ofrojë një përvojë të paharrueshme", përfundon Dervishaliu.

Për ata që kërkojnë një destinacion turistik që ofron harmoni të plotë me natyrën, traditën dhe komoditetin e një shërbimi të klasit të parë, Vila Dervishaliu në Llogara është pa dyshim një zgjedhje ideale./ CNA