E fundit!

17:34 Politikë

Rama pret në takim Presidentin e Lituanisë/ Zbardhen diskutimet

Kryeministri Edi Rama ka pritur ditën e sotme në një takim...

Pogradeci hap zyrtarisht sezonin e festave/ Verë dhe gështenja tradita që gjallëron vendin

7 Dhjetor 2024, 17:47, Qyteti im CNA

Qyteti i Pogradecit ka ndezur dritat e pemës së fundvitit, pasi është festuar edhe për një ditë tjetër të veçantë.

Bëhet fjalë pikërisht për 30 vjetorin e organizimit të festës së verës e gështenjave, një event që është traditë në qytetin e Pogradecit. Kjo pije prodhohet jo vetëm nga bizneset por edhe nga familjet vendase.

Qyteti është gjallëruar duke u mbushur me banorë dhe vizitorë, të cilët kanë zgjedhur të kalojnë fundjavën në juglindje.

Pogradeci hap zyrtarisht sezonin e festave/ Verë dhe gështenja tradita

Të gjithë së bashku kanë shijuar ndezjen e dritave, duke u kënaqur me muzikën e performuar nga artistët e qytetit, si edhe me gështenjat e pjekura e verën e ngrohtë. Nënkryetarja e bashkisë Entela Gusho ka treguar se ky është përvjetor i rëndësishëm i këtij eventi, ndërsa do të ndahen disa çmime në ditën e dytë të aktivitetit.

"Pogradeci është në festë, sot ka dy festa shumë të rëndësishme, ndezjen e dritave dhe njëkohësisht çelja e 30 vjetorit të Festës së Verës dhe Gështenjave. Është një 30 vjetor që na bën krenar, si bashkia që kemi filluar siparin e festave dhe ja ku jemi në edicionin e 30-të. Ka një aktivitet të ngjeshur artistik, por më e bukura është panairi i verave, konkursi i tyre, konkursi i pikturës dhe i poezisë kushtuar verës. Kemi pjesëmarrje nga gjithë Shqipëria, por edhe e të rinjve që na gëzon që kjo traditë të vazhdojë tek ata. Sigurisht kemi një kalendar të ngjeshur sepse kemi dhe përvjetorin e Lasgush Poradecit, dhe festa të tjera që do ta bëjnë më të gëzueshme atmosferën për ata vizitorë e turistë që do të jenë në Pogradec", tha Gusho.

Pogradeci hap zyrtarisht sezonin e festave/ Verë dhe gështenja tradita

Pogradecarët zgjedhin të prodhojnë verën duke mbajtur gjallë traditën e këtij qyteti, ndërsa thonë se edhe gështenjat janë shumë të shijshme dhe ja vlen ti gatuash edhe pse janë të vështira.

"Këtu e kemi traditë. Unë kam 10 vite që merrem me këto aktivitete. Procesi ka të bëjë me shtypjen e rrushit, e fermentojmë, e mbajmë 40 ditë atje dhe më pas e nxjerrim verën. E mësuam pak nga pak. Gështenjat i kemi të malit, të fshatit Rrëmenj. Shije e paparë. Është e vështirë të pjekësh. Kjo është traditë shumë e vjetër, me mulli të tillë bëhej kafja", deklaroi qytetari.

Pogradeci hap zyrtarisht sezonin e festave/ Verë dhe gështenja tradita

Klima e përshtatshme dhe toka në të cilën rrite vreshti i rrushit bën që zona e Pogradecit të prodhojë një verë me shije të mrekullueshme dhe jetëgjatë.

"Verën e Pogradecit e bën të mirë territori, sepse në verëbërje është shumë e rëndësishme toka dhe klima. Ne kemi një mikroklimë shumë të veçantë për shkak se ndikon liqeni dhe lartësia e tij është 700 m mbi nivelin e detit. Vreshtat janë 750-900, e në to kemi aciditet që përkthehet në jetëgjatësi e në shije të verës", theksoi një tjetër qytetar.

Pogradeci tashmë është gati që të presë e përcjellë vizitorë përgjatë muajit dhjetor me kalendarin e planifikuar me aktivitete të ndryshme kulturore, si edhe me strukturat akomoduese të kësaj bashkie./ CNA