web counter
LEXO PA REKLAMA!

SHKARKO APP

App Store
Google Play

E fundit!

x

Maliqi ndez dritat e festave të fundvitit/ Ndryshohet i gjithë dekori festiv

7 Dhjetor 2024, 19:00, Qyteti im CNA

Maliqi ndez dritat e festave të fundvitit/ Ndryshohet i gjithë dekori

Pas ndezjes së dritave në bashkitë e qarkut juglindor, edhe Bashkia e Maliqit e ka realizuar këtë aktivitet, duke ndriçuar përmes dekorit festiv të gjithë qendrën e qytetit dhe zona të tjera të tij.

Pasditen e kësaj të shtune, Maliqi u ndriçua mes atmosferës fantastike të krijuar nga vogëlushët e veshur si babagjysh, ku së bashku me kryebashkiakun Gëzim Topçiu kanë bërë numërimin simbolik deri në ndezjen e dritave në sheshin para Bashkisë së Maliqit.

Në fjalën e tij, kryetari i bashkisë Maliq ka treguar se këtë vit, dekori është bërë ndryshe nga vitet e tjera. Ndër të tjera, ai ka uruar festat e fundvitit duke thënë se pjesëmarrja e fëmijëve në këtë aktivitet i dha një tjetër emocion dhe kënaqësi.

Maliqi ndez dritat e festave të fundvitit/ Ndryshohet i gjithë dekori

"Sivjet është një risi pasi kemi ndryshuar pjesën më të madhe të ndriçimit e të gjithë zbukurimeve të vitit të ri. Pjesëmarrja e fëmijëve por dhe e qytetarëve në masë, tregon që ky muaj festash do të përmbyllet me ditën 31 për të pritur vitin e ri, ndaj dhe ne i urojmë qytetarëve "Gëzuar, një vit të mbarë dhe shumë faleminderit për këtë pjesëmarrje kaq të madhe, veçanërisht të fëmijëve, të vogëlushëve tanë", tha Topçiu.

Bashkia e Maliqit u kujdes deri në detaje që qyteti të marrë pamjen më të bukur në këtë muaj festiv, ndërsa do të ketë edhe aktivitete të tjera kulturore që do të zhvillohen përgjatë muajit dhjetor./ CNA

Maliqi ndez dritat e festave të fundvitit/ Ndryshohet i gjithë dekori





Lajmet e fundit nga