E fundit!

12:07 Opinione Ardi Stefa

Ndryshimi mund të presë edhe pak...

Paraqitja e fytyrave të reja në politikë është gjithmonë l...

Tregu që nuk u vu kurrë në funksion/ Ndërtesa kushtoi 180 mijë euro, ankohen banorët në Gjirokastër

8 Janar 2025, 16:09, Qyteti im CNA

Tregu që nuk u vu kurrë në funksion/ Ndërtesa kushtoi 180

Një ndërtesë që kushtoi 180 mijë euro, e cila supozohej të shërbente si treg për komunitetin rom në Gjirokastër nuk u vendos kurrë në funksion.

Më datë 4 Tetor 2024 kryebashkiaku Flamur Golemi së bashku me Kreun e delegacionit Evropian Hubert Perr inaguruan këtë ndërtesë që e cilësuan të domosdodshme, por nuk u frekuentua nga Romët për shkak të lagështirës.

Banorët shprehen se më parë vendi ku është ndërtuar ky treg ka qenë fushë dhe kanë kërkuar që aty të bëhej një kënd për fëmijët, por kjo kërkesë e banoreve nuk është marrë parasysh. Sot kjo ndërtesë qindra milionëshe nuk e kryen funksionin e saj këtë fakt e pohojne edhe banorët e lagjes “Zinxhira”.

Skënderi është një ndër artizanët pensionistë qe punojnë me thupër dhe njëkohësisht edhe kryetar i romeve në Gjirokastër. Sipas tij në këtë treg ka gjithsej 4-5 persona artizanë romë dhe ata të moshës së tretë. Skënderi pohon për CNA se ka kërkuar që tregu i romëve të investohej në lagjen Gërhot aty ku romët dalin në mes të rrugës për të shitur prodhimet e tyre, por vendimi ishte marrë nga Bashkia.

Romët shesin vetëm në ditët me diell pasi në shi ata s’mund të dalin në mes të rruges. Ndërsa tregun e ri nuk e frekuentojnë pasi lagjja ku është ndërtuar është në periferi dhe askush nuk shkon atje. Të njëjtën gjë e pohon edhe Skënderi.

"Po këtu s’kemi ardhur asnjëherë se kush do vij këtu ja ti vjen këtu të blesh jo, unë kam kërkuar që tregu të bëhet me Gërhot, por ata e bën këtu, kur erdhi kryetari na mblodhi këtu dhe unë të gjitha shportat që kisha bërë gjatë verës i’ua dhurova të huajve se më vinte zor t’iu merrja lekë atyre", tha Skënderi kryetar i romeve në Gjirokastër.

Teksa Kryebashkiaku i Gjirokastrës investon miliona lekë për një treg që s’do funksionojë kurrë, tregëtarët e fruta-perimeve shesin në rrugë, komuniteti rom po ashtu në rrugë.

Në lagjen Zinxhira vetë komuniteti rom por edhe banorët e tjerë nuk marrin asnjë shërbim nga bashkia, rrugët kur bie shi kthehen në këneta ndërsa plehrat kanë kanë arritur deri në rrugë.

Fëmijët dhe të moshuarit kanë vetëm një alternativë ku të shkojnë të pushojnë, ata paguajnë për argëtim në ato pak hapësira private siç janë baret e qytetit./CNA