E fundit!

11:05 Aktualitet

Aeroporti i Vlorës/ Pacolli: Vendimi i Gjykatës së Lartë tregon horrorin që është bërë mbi mua, u kërcënuam me jetë

Pas zbardhjes së vendimit të Gjykatës së Lartë për çështje...

Mbrëmja Gala “Ndërmendje 2024”

30 Dhjetor 2024, 19:31, Qyteti im CNA

Shkodra e përmbylli vitin 2024 me koncertin tradicional që prej 16 vitesh vjen në teatrin “Migjeni” si kartolinë fundviti. Mbrëmja gala me “Ndërmendjen” solli artistët më të mirë me kryeveprat botërore klasike.

Për drejtorin artistik Gjon Shllaku, tashme “Ndërmendje” është një institucion kulturor.

“Kur qyteti ka çfarë të sjellë në mend në fund të vitit edhe "Ndërmendja" do të shkojë mirë. Kjo është një iniciativë e të ndjerit Kujtim Alia i cili në atë kohë me shumë kurajo desh t'i tregonte publikut se një qytet që punoj me gjithë forcat e veta duhet të riparaqitt edhe një herë si konkluzion i një viti të begatë.

E në këtë kuadër unë them që "Ndërmendja" tashmë është një institucion kulturor i pa luajtshëm. Edhe ne që marrim kurajon për të punuar me një event të tillë jemi gjithmonë në një sprovë me vetveten me publikun edhe me autoritet. Prania e autoriteteve dhe e publikut që nuk mungon në këtë teatër janë prova kryesore që kjo funksionon. Pastaj duartrokitjet janë ato që na japin kënaqësinë. Sa i përket mbështetjes për filarmoninë e Shkodrës, me 2 lëvizje që janë bërë orkestrën simfonike dhe mbështetjen për grupin koral por edhe ansamble të tjera ato e kanë realizuar tashmë filarmoninë mbetet vetëm për t'i dhënë emrin”

Dirigjenti Jetmir Barbullushi kërkoi që orkestra simfonike të kthehët në një trupe profesioniste sëbashku me korin.

“Në koncertin e sotëm ajo që ishte më e rëndesishme ishte pjesa që u bëheshin për herë të parë, që do të thotë ato që janë premier. Qoftë edhe në anën simfonike për orkestrën por edhe për formacionin që ishte i tunxhit frymës me kolegun, materialeve të reja për publikun, dhe nuk është e lehtë të vendosësh pjesë të reja.

Publiku i Shkodrës është tepër i ngritur nuk jep duartrokitje kollaj po nuk dhe maksimumin dhe është bërë punë me sa kishim mundësi. Shkodra duhet të shkojë drejt një trupe profesioniste qoftë me orkestrën simfonike qoftë me korin sepse jemi qytet që kemi traditë shumë të madhe dhe kemi kompozitor teper të mëdhenj. Tradita jonë muzikore është baraz me qytetet e mëdha europiane, kemi të drejtë të kërkojmë që të na hapin rrugën e orkestrës simfonike profesioniste. Shpresojmë të ecim përpara që brezat e ri të kenë tjetër panoramë e frymëmarrje në të gjitha aspektet në lidhje me artin edhe kulturën"

Tenori Josif Gjipali që performon në skenat e mëdha botërore ishte i ftuar special i mbrëmjes në teatrin “Migjeni”.

“Për mua është kënaqësi e madhe, Shkodra ka qënë e do të mbetet gjithmone djep i kulturës dhe artit të kultivuar gjë që pasqyrohet më së miri edhe me koncertin "Ndërmendje". Reagimi i publikut sidomos në materialet më profesionale për sa i përket lirikës ishte shume i ngrohtë. Unë uroj që Shkodra ta mbaj këtë traditë sepse eshtë nga te paktat qytete që e ka dhe është tashmë një moto në tërë botën që investojnë për kulturën dhe jo për luftën e gjëra të tjera. Sepse kultura sido që të jetë më të mirë i bën njerëzit. Ka shumë nevojë për artin klasik duhet një orkestër me 70 element, duhet dirigjenti. Lirika ka qënë gjithmonë një nga artet me shpenzimet më të mëdha në botë dhe prandaj shume rrallë janë teatrot që dalin me fitim, gjithmonë investimi në lirikë është investim për kulturën"

“Ndërmendje 2024” krahas orkestrës simfonike, korit polifonik “Prenke Jakova” qendra kulturore e fëmijëve “Kujtim Alija” , orkestra e teatrit “Migjeni” performuan edhe Artistët Frederik Ndoci dhe sopranoja Klodiana Brahimi./ CNA