E fundit!

11:19 Aktualitet

Mbeti me gisht në gojë/ Spiropalit nuk i del e keqja, ja lëvizja kundër Ramës

Pasi u shkarkua nga çdo post i rëndësishëm dhe mebtei thje...

Të huaj dhe shqiptarë në Shkodër/ Atmosfera e karnavaleve

23 Shkurt 2025, 15:31, Qyteti im CNA

Shkodra për 7 ditë me radhë festoi Karnavalet, një traditë shekullore e këtij qyteti. Argëtimi, muzika e humori ndezën atmosferën. Bashkë me shkodranët, vizitorë nga qytete të tjera, por edhe të huaj iu bashkuan kësaj feste.

"Kam marrë pjesë për karnavale se në Shkodër bëhët shumë bukur dhe kjo është gjëja më e bukur. Vij nga Tirana dhe po kalojmë shumë bukur", tha një qytetar.

"Ndihem mirë, jam e entuziazmuar, po kaloj shumë mirë. Kam ardhur në Shkodër vetëm për të festuar dhe shijuar Karnavalet. Është hera e parë për mua këtu dhe po kënaqem”, u shpreh një turiste e huaj.

Një tjetër vizitor tha se ka shkuar në Shkodër për të parë djegien e dordolecit.

"Karnavalet më pëlqejnë sepse janë të bukura dhe shumë entuziaste, është një traditë e bukur. Unë kam ardhur për të parë edhe dordolecin duke u djegur edhe njerëzit", u shpreh vizitori.

"Zgjodha të vij sepse është një festë që ka larmishmëri ngjyrash, me maskat veneciane, të bëjnë të ndihesh mirë dhe të harrosh rutinën e perditshme stresuese", shprehet qytetari.

Kostumet e maskat veneciane ishin kryefjalë e këtyre karnavaleve për 7 ditë radhazi.

"Kemi vendos me marr pjesë për të bërë dicka sa më ndryshe dhe mr ftu të gjithë me marr pjesë. Këto ditë kanë qënë shumë të bukura dhe ia kemi kaluar shumë mirë. Ky është një kostum venecian që simbolizon klasikën", tha një pjesëmarrës.

"Jemi nga Korça. Çdo gjë e mrekullueshme. Ne në Korçë këto i kemi si traditë dhe i festojmë brez pas brezi, është një festë pagane 200-300 vjeçare", tha një banor vendas.

"Më pëlqejnë karnavalet se janë festë shumë e bukur", tha një qytetar. "Është festa e ngjyrave, ka shumë nxenës dhe larmishmëri. Veshjen e përshtata me ambjentin kostum blu i lehtë"

"Dua të jap edhe unë kontributin tim për këtë festë edhe për qytetin që festa të bëhët sa më e përhapur dhe sa më e famshme në të gjithë shqipërinë. Ky është një kostum venecian i bërë apostafat për këtë festë, është një kostum që shkon nga Shkodra në Venecia e vjen sërish ktu që ne e përdorim", tha një pjesëmarrës që kishte një veshje veneciane.

Ndryshe nga vitet e mëparshme parada e karrove me personazhe, mesazhe e shprehje shkodrane sollën një eksperiencë të bukur për të pranishmit. Gjatë gjithë kësaj jave sheshet qëndrore të Shkodrës ishin të mbushura plot energji, lojëra dhe muzikë në orët e mbrëmjes nga disa prej artistëve më të mirë shqiptar.

Karnavalet kulmuan me djegien e dordolecit që personifikon largimin e të keqes dhe paralajmëron ardhjen e pranverës./ CNA