E fundit!

12:07 Opinione Ardi Stefa

Ndryshimi mund të presë edhe pak...

Paraqitja e fytyrave të reja në politikë është gjithmonë l...

112-vjetori i Policisë së Korçës/ Ahmeti: Sfidë mbetet krimi dhe trafiku

13 Janar 2025, 22:11, Qyteti im CNA

112-vjetori i Policisë së Korçës/ Ahmeti: Sfidë

Erion Ahmeti

Policia e Korçës ka festuar sot 13 Janarin, 112 vjetorin e krijimit të këtij institucioni, me pjesëmarrjen e drejtuesve të të gjitha strukturave policore, drejtuesit e bashkive të qarkut, përfaqësues të institucioneve të tjera ligjzbatues, përfaqësues të komuniteteve fetare e më gjerë.

Gjatë aktivitetit të sotëm, janë akorduar certifikata mirënjohje për punonjës dhe ish punonjës policie të cilët prej vitesh kanë dhënë dhe japin kontributin e tyre në ndihmë të komunitetit, për ruajtjen e sigurisë, mbrojtjen e qytetarit dhe vënien para përgjegjësisë të personave që kryejnë vepra penale.

Në fjalën e tij, drejtori i DVP Korccë, Drejtues Erion Ahmeti është shprehur se kjo është një ditë shumë e veccantë për ata që mbajnë veshur uniformën e nderuar të Policisë së Shtetit, duke theksuar se ky institucion është ndër më të besuarit nga qytetarët.

"Është një ditë e veçantë për të gjithë ne, që mbajmë uniformën e nderuar të Policisë së Shtetit dhe për çdo qytetar që beson tek vlerat e lirisë, sigurisë dhe drejtësisë. Krenari është që ky institucion është ndër më të besuarit nga qytetarët dhe angazhimi ynë mbetet për ta rritur e përmirësuar këtë besim.

112 vite më parë, themelet e Policisë së Shtetit u hodhën nga burra dhe gra të guximshëm, të cilët e kuptonin se pa rend e siguri, nuk mund të ketë një shoqëri të lirë dhe të drejtë.

Korça, me historinë dhe traditat e saj të pasura, ka pasur gjithmonë një vend të veçantë në këtë rrugëtim. Policia e këtij qarku, ku patur fatin të shërbej edhe para se të marr detyrën si Drejtor Vendor, ka qenë shembull i përkushtimit, profesionalizmit dhe lidhjes së ngushtë me komunitetin.

Jemi krenarë që vazhdojmë të mbajmë lart këtë trashëgimi. Por pa dyshim është kontributi edhe i gjithë institucioneve me të cilët ne bashkëpunojmë ngushtë dhe roli qytetar i spikatur i këtij rajoni."

Ndër të tjera, Ahmeti ka treguar sfidat më të mëdha të Policisë së Shtetit, përfshirë dhe të Korccës, duke përmendur këtu përballjen me krimin dhe trafikun e paligjshëm, garantimin e sigurisë dhe parandalimin e ngjarjeve rrugore. Ahmeti ka falenderuar të gjithë punonjësit e policisë duke u rikujtuar se policia nuk është një institucion force por shpresë dhe besim për komunitetin.

"Sfidat për Policinë e Shtetit, përfshirë edhe Policinë e Korçës, mbeten gjithsesi, nga përballja me krimin dhe trafikun e paligjshëm, tek garantimi i sigurisë në ngjarje madhore, krijimin e një mjedisi të qetë e të sigurt për çdo qytetar, por edhe parandalimi i ngjarjeve rrugore, që janë një shqetësim i shtuar në periudha të caktuara të vitit.

Përballë këtyre sfidave, kemi treguar se bashkëpunimi, përkushtimi dhe vullneti i mirë mund të bëjnë diferencën.

Sot, dua të falënderoj secilin prej punonjësve me uniformë për punën dhe sakrificat e përditshme që bën për të garantuar rendin dhe sigurinë. Kjo nuk është thjesht një detyrë, por një mision fisnik.

112 vite më pas, ne jo vetëm që nderojmë ata që shërbyen para nesh, por marrim frymëzim nga puna e tyre për të ndërtuar një të ardhme edhe më të mirë.

Le të kujtojmë sot se policia nuk është një institucion force, por edhe një forcë shprese dhe besimi për komunitetin."

Në këtë ditë të shënuar për Policinë e Korçës, nuk kanë munguar urimet mes drejtuesve dhe strukturave të këtij institucioni, duke shprehur qartë bashkëpunimin e konsoliduar edhe me institucionet e tjera ligjzbatuese./CNA