web counter
LEXO PA REKLAMA!

SHKARKO APP

App Store
Google Play

E fundit!

x

Gdhendja e gurit/ Një nga motivet më origjinale në pazarin e Gjirokastrës

3 Maj 2025, 14:24, Qyteti im CNA

Gdhendja e gurit/ Një nga motivet më origjinale në pazarin e

Mjeshtri i njohur i gurit, Muhedin Makri, vite më parë i ktheu zhurmat karakteristike të artizanëve pazarit të Gjirokastrës. Ai nuk është në jetë më prej disa vitesh, por i biri Ermali po e vazhdon këtë profesion me shumë pasion në pazar.

Objektet e gdhendura në gur brenda kësaj njësie janë të panumërta dhe motivet janë grumbulluar nga tradita shumëvjeçare e qytetit në gdhendjen e gurit. Ka motive që vijnë nga bota floreale, nga kostumet, nga arkitektura e qytetit, nga rrugët, nga simbolika të ndryshme të reja dhe të vjetra në kohë.

Pavarësisht punës së palodhur, Ermali shpreh keqardhje se si sot është "katandisur" pazari i vjetër, një pazar ku mjeshtrat numërohen me gishta, ndërsa të gjitha hapësirat janë zaptuar nga tavolinat e lokaleve dhe bareve.

“Është një zanat i vaçantë që jo çdokush mund ta bëjë, se këtu shoh që del ndonjë dhe thotë jam artizan, por nuk janë punime dore të shumtat e punimeve që na vijnë në qafën e pazarit, e cila është shquar si djepi i prodhimeve artizanale dhe mua më vjen keq si artizan që shoh se shumë prodhime janë të importuara. 1 person këtu ka marrë 10 -15 dyqane dhe e ka mbushur pazarin me prodhime kineze. Mua ma thonë të huajt që je më i veçanti pasi e shohin që unë punoj me dorë. Punimet janë të shumta, por interesi i pakët dhe ne këtu jemi të diskriminuar nga bashkia dhe institucionet e tjera”, shprehet mes të tjerash Makri.

Gdhendja e gurit është mes motiveve më origjinale të pazarit të Gjirokastrës. Pa çekiçin dhe pa zhurmën e zejeve e gjithë jeta e pazarit nuk do të kishte kuptim./ CNA





Lajmet e fundit nga