E fundit!

09:48 Ekonomi

Kriza e prodhimit bujqësor/ Sfidat dhe pasiguritë në sektorët kryesorë

Sektori i bujqësisë përballoi një vit mjaft sfidues gjatë ...

Tepelena shton kapacitetet akomoduese/ Rritet interesi për investime në zonat rurale

11 Mars 2025, 13:50, Qyteti im CNA

Tepelena shton kapacitetet akomoduese/ Rritet interesi për investime

Tepelena është një prej tri bashkive në Qarkun e Gjirokastrës ku po zgjohet shumë interesi për turizmin malor. Vetëm këtë vit është shtuar kapaciteti akomodues për vizitorët, që shprehin interes për këtë lloj turizmi malor, i rrallë në llojin e vet.

Tepelena shton kapacitetet akomoduese/ Rritet interesi për investime

Referuar kapaciteteve akomoduese, sot Tepelena ofron mbi 40 njësi shërbimi me kapacitet deri në 400 shtretër. Shumica e tyre të shtrira në zonën e Kurveleshit, në kufi me bregdetin jonian. Duke parë se kanionet e Progonatit dhe Nivicës së fundmi kanë ngjallur interesin e grupeve të shumta turistike, kjo ka nxitur rritjen e investimeve të kapaciteteve akomoduese në fshatrat Rexhinë, Gusmar, Progonat e Nivicë.

Tepelena shton kapacitetet akomoduese/ Rritet interesi për investime

Me dhjetëra bujtina po ngrihen në këto fshatra të pajisura me të gjitha facilitetet e nevojshme për një turizëm elitar. Sipas kreut të Bashkisë së Tepelenës, Tërmet Peçi, fokusi qëndron te rritja e cilësisë së shërbimit dhe e cilësisë së kostos. Vetëm këtë vit sipas kryebashkiakut tepelenas, ka gati 20 kërkesa për investime në zonën malore të Kurveleshit, aty ku ka dhe interes më së shumti.

Tepelena shton kapacitetet akomoduese/ Rritet interesi për investime

Një prej sfidave turistike është dhe rijetëzimi i kalasë së Ali Pashës ku brenda saj do ketë disa njësi shërbimi të kthyera në bujtina, ndërkaq që është në fazën fillestare ngritja e qendrës së Parkut të Vjosës, çka do t’i japë akoma më shumë interes zonës në fjalë. Për kryebashkiakun e Tepelenës fokusi kryesor do të jetë turizmi i qëndrueshëm.

Tepelena shton kapacitetet akomoduese/ Rritet interesi për investime

Sipas tij këtë vit pritet rritje e turistëve në masën 30%, kjo falë dhe panairit të turizmit që u organizua së fundmi në Berlin nga ku dhe Shqipëria ishte prezente dhe mes të cilave Tepelena kishte vendin e vet në këtë panair promovues.

Tepelena shton kapacitetet akomoduese/ Rritet interesi për investime

“Ne kemi gati 20 kërkesa për investim, jo vetëm në Kurvelesh, por edhe në njësinë qendër dhe në njësitë e tjera dhe nuk mund të lë pa përmendur kalin tonë të betejës; rijetëzimin e kalasë së Ali Pashë Tepelenës, dhe brenda kalasë do të ketë disa njësi shërbimi të kthyera edhe në bujtina. Ne jemi në fazën e fillimit të parkut të Vjosës, që do të jetë në Majkosh. Një pjesë e madhe e tyre presin hapjen e thirrjes nga AZHBR, për të nisur punën me investimet e tyre”,-tha Peçi./CNA