web counter
LEXO PA REKLAMA!

SHKARKO APP

App Store
Google Play

E fundit!

x

Kostumet tradicionale të Gjirokastrës po prodhohen nga fare pak qëndistarë

22 Maj 2025, 14:53, Qyteti im CNA

Në ditët e sotme, kostumet tradicionale të Gjirokastrës po prodhohen nga shumë pak qëndistarë. Eli Zhulati është një ndër të vetmet në këtë qytet që e ka ruajtur traditën prej vitesh. Që fëmijë, ajo ka nisur të punojë materiale të vogla, e më pas elemente të rëndësishme dhe me shumë vlerë për kulturën shqiptare.

Kostumet tradicionale të Gjirokastrës po prodhohen nga fare pak

Kërkesat e vazhdueshme për një kostum tradicional gjirokastrit kanë bërë që ajo të përqendrohet plotësisht në këtë zanat, për të cilin thotë se është sa i bukur, aq edhe me sfida. Për një veshje tradicionale të zonës apo elemente të tjera karakteristike të Gjirokastrës, më shumë kërkesa vijnë nga jashtë qytetit, si dhe nga të huaj.

"Kjo që unë po punoj është një porosi nga një vajzë që studion në Amerikë. Ajo dëshiron që në përfundim të vitit mësimor të shfaqet pikërisht me kostum tradicional. Zakonisht, kërkesat më të shumta vijnë nga shqiptarët që jetojnë jashtë kufijve; ata i bëjnë kostumet pjesë të gëzimeve dhe festave të tyre”,-pohon Zhulati për CNA.

Për të mos cenuar trashëgiminë e për t'u qëndruar besnike modeleve origjinale, Zhulati studioi gjatë literatura të ndryshme historike. Në Gjirokastër janë 8 zona etnografike. Të gjitha veshjet kanë vështirësinë e tyre, por teksa puna shpërblehet me falënderime, ajo për artizanët bëhet e lehtë dhe çdo ditë edhe më e bukur./CNA





Lajmet e fundit nga