web counter
LEXO PA REKLAMA!

SHKARKO APP

App Store
Google Play

E fundit!

x

Ekspozitë në Shkodër e të rinjve nga Ulqini/ Prezantohen 35 punime artistike të gjimazistëve

26 Maj 2025, 17:12, Qyteti im CNA

Ekspozitë në Shkodër e të rinjve nga Ulqini/ Prezantohen 35

Shkolla e mesme e Ulqinit “Vëllazërim-Bashkim” hapi një ekspozitë në universitetin e Shkodrës “Luigj Gurakuqi” me punime të nxënësve të kësaj shkolle. Drejtorja e shkollës së mesme të Ulqinit, Ardita Kovaçi shprehet se ky bashkëpunim duhet që të jetë më i afërt dhe më i shpeshtë mes këtyre dy qyteteve.

Ekspozitë në Shkodër e të rinjve nga Ulqini/ Prezantohen 35

“Ardhja jonë sot në Shkodër besoj është një lajm i bukur për të gjithë ne, për Shkodrën dhe Ulqinin pasi ne vazhdimisht kemi marrëdhënie dhe kontakte të ngushta me Shkodrën. Me universitetin ‘Luigj Gurakuqi’ na lidhin vite të tëra në aspektin e arsimimit të gjeneratave të shumta, të profesorëve që ndoshta tani janë në punë në gjimnazin tonë. Kemi prezantuar 35 punime artistike të nxënësve tanë. Ne kemi klubin e talenteve të reja në fushën e artit të cilët punojnë dhe janë shumë të talentuar dhe sot kanë rastin që punimet e tyre t’i prezantojmë sot këtu. Besoj se Shkodra duhet që t’i përkrahë talentet e anës sonë, siç thotë kanë ardhur këto nxënës këtu kaq të lumtur dhe të entuziazmuar”,-tha Kovaçi.

Rektori i universitetit “Luigj Gurakuqi”, Tonin Gjuraj dhe shefi i Departamentit të Arteve Rubin Mandija, u shprehën se ky bashkëpunim me Ulqinin do të jetë edhe më prezent në të ardhmen.

Ekspozitë në Shkodër e të rinjve nga Ulqini/ Prezantohen 35

 “Për mua është një kënaqësi e veçantë që të mirëpres mysafirët nga Ulqini. Mes qyteteve tona ekziston një traditë shumë e hershme e bashkëpunimit në shumë rrafshe, kulturore, ekonomike dhe më gjerë. Shpresoj që sot të hapim një titull të ri në thellimin e këtyre marrëdhënieve duke mirëpritur një ekspozitë dhe një koncert nga shkolla e mesme e Ulqinit. Besoj se ky do të jetë vetëm hapi i parë i një bashkëpunimi afatgjatë mes institucioneve tona dhe shpresoj shumë që t’i shërbejë studentëve tanë, nxënësve të Ulqinit, stafeve tona peagogjike dhe mësimdhënësve të artit në këto dy institucione”,-tha Mandija.

Ekspozitë në Shkodër e të rinjve nga Ulqini/ Prezantohen 35

“Le të jetë një moment ku ne të ndajmë me njëri-tjetrin edhe aspekte që lidhen me kurrikulën që ne ofrojmë si universitet. Ajo që do të na gëzonte pa masë do të ishte që ne të shtonim prezencën e nxënësve, pra nesër student nga Ulqini, nga Tuzi, nga Kosova po e po në universitetin tonë. Unë do të doja të universiteti jonë, departamenti i arteve të ishte zgjedhje e parë për nxënësit e Ulqinit. Besoj se universiteti i Shkodrës është vendi i duhur në mënyrë që nxënësit e Ulqinit të vazhdojnë studimet 3 vjeçare bachelor. Shkodra është një qytet më i lirë se Tirana disa fish, ofron shumëçka sa i përket jetës kulturore, artistike, sportive por jemi edhe afër si qytete ndërsa është edhe konvikti për studentët që duan të vijnë si dhe ka edhe lehtësira të tjerë. Ta rikonsiderojnë nxënësit që ndodhen sot këtu në mënyrë që ne të kemi mundësi që ato marrëveshje dhe ide që patëm përpara një muaji t’i konkretizojmë”,-tha Tonin Gjuraj, Rektor i Universitetit “Luigj Gurakuqi”.

Pas ekspozitës me punime që sollën talentin e nxënësve të shkollës së mesme “Vëllazërim-Bashkim”, të rinjtë e kësaj shkolles zhvilluan edhe një koncert në mjediset e universitetit të Shkodrës me muzikë e këngë tradicionale shqiptare./CNA

 

 

 

 

 

 

 

 





Lajmet e fundit nga