web counter
LEXO PA REKLAMA!

SHKARKO APP

App Store
Google Play

E fundit!

x

“Tinguj folklorik të Qarkut Shkodër”/ Botohet albumi fotografik me artefakte

24 Maj 2025, 14:41, Qyteti im CNA

“Tinguj folklorik të Qarkut Shkodër”/ Botohet albumi

Në Shkodër u promovua albumi fotografik “Tinguj Folklorik të Qarkut Shkodër”.

Ky botim i mbështetur nga Këshilli i Qarkut Shkodër dokumenton pjesëmarrjen e Ansamblit Folklorik të këtij qarku në Festivalin Folklorik Kombëtar të Gjirokastrës.

“Ky botim nuk është thjesht një koleksion i çasteve të bukura artistike, por është një dëshirë e gjallë dhe e çmuar e trashëgimisë sonë kulturore. Na fton të bëjmë një udhëtim emocionues përmes historisë së pasur të folklorit të Qarkut Shkodër dhe që na kujton se muzika, vallet, kostumet, zakonet tona nuk janë vetëm pasuri shpirtërore, por janë shtylla të forta të identitetit tonë kombëtar”, tha Edmond NDOU, kryetar i Këshillit të Qarkut Shkodër.

“Le të shërbejë edhe si një guidë turistike për të gjithë ato vende ku të rinjtë, turistët e huaj të pajisen edhe me këtë pasaportë kulturore e cila është një udhërrëfyes i një kulture shekullore që ne trashëgojmë”, deklaroi Majlinda Angoni, prefekte e Qarkut Shkodër.

“Tinguj folklorik të Qarkut Shkodër”/ Botohet albumi

Shkodra, e njohur për kontributin e saj të jashtëzakonshëm në fushën e folklorit, ka qenë dhe mbetet një nga qendrat më të rëndësishme të kulturës tradicionale shqiptare.

“Qëllimi kryesor i këtij libri album ka qenë dhe do të mbetet përherë, respekti dhe mirënjohja e thellë për të gjithë bartësit dhe artistët e mrekullueshëm që kanë luajtur një rol të rëndësishëm për ruajtjen dhe pasurimin e traditave folklorike”, tha Ridvan Karakaçi.     

“Në faqet e të këtij libri lexuesi udhëton drejt rrënjëve tona, atje ku tradita merr frymë përmes këngës, valles, kostumit popullor, element që nuk janë thjeshtë pjesë e së kaluarës, por që jetojnë edhe në përditshmëritë tona kulturore”, tha Maxhid Cungu.

“Ky album me foto është një pasaportë e kulturës sonë për të treguar kush jemi, kush ishim, por duhet që të ketë edhe një vizion se çfarë duhet që të jemi në të ardhmen, pra ku do të shkojmë”, tha Bardhyl Hysa.

“Për t’i vendosur pritë rrjedhës së rrëmbyeshme të lumit të harresës, ky foto album është një mjet i përkryer”, u shpreh Zija Vukaj, kryetar i Lidhjes së Shkrimtarëve.

“Sot jetojmë në një kohë që folklori kërcënohet nga ligjet e natyrës me zhvllimet, evoluimet, moderniteti, teknologjia, komunikimi që janë rritur shumë. Në këtë këndvështrim ky album na jep mundësi që në të ardhmen për brezat që vijnë të shërbejë si dokument me shumë vlerë”, deklaroi Zef Çoba, kompozitor.

“Tinguj folklorik të Qarkut Shkodër”/ Botohet albumi

E konceptuar si një festë, ky promovim solli edhe interpretime artistike të grupeve të 5 bashkive të Qarkut Shkodër dhe artistë të mirënjohur. Në fund u dhurua edhe botimi i këtij foto-albumi, duke e vendosur folklorin në qendër të kujtesës kolektive dhe identitetit kombëtar./ CNA

 





Lajmet e fundit nga