web counter
LEXO PA REKLAMA!

SHKARKO APP

App Store
Google Play

E fundit!

x

Talent dhe pasion në Shkollën Teknike Profesionale në qytetin e Korçës

23 Maj 2025, 16:44, Qyteti im CNA

Talent dhe pasion në Shkollën Teknike Profesionale në qytetin e

Në Shkollën Teknike Profesionale të Korçës, nxënësit po tregojnë aftësi dhe pasion të jashtëzakonshëm në drejtimet që ndjekin, përmes projekteve praktike që jo vetëm dëshmojnë njohuritë e fituara, por edhe angazhimin e tyre për t’u bërë profesionistë të së ardhmes.

Ersi Haliti, nxënës në vitin e dytë në drejtimin “Shërbimi i mjeteve të transportit”, tregon me entuziazëm për një nga projektet më të veçanta që ka realizuar me grupin e tij, një mjet i vogël me pjesë mekanike të çmontueshme dhe motor funksional.

“Kemi krijuar këtë mjetin e vogël ku kemi realizuar pjesën mekanike të çmontueshme. Kemi dhe pjesën e shërbimeve të mjeteve të transportit që është motorri. Për këtë është dashur rreth 4-5 muaj. Është një punim shumë i mirë që na ka pëlqyer shumë. Jemi shumë të gëzuar dhe krenarë që e realizuam”,-tha Haliti.

Talent dhe pasion në Shkollën Teknike Profesionale në qytetin e

Edhe Andi Shaliu, nxënës në vitin e tretë, ka kontribuar në projekte të avancuara teknologjikisht. Ai shpjegon ndërtimin e një shtëpie model me sensorë parkimi, sensorë dere dhe sistem elektrik të instaluar nga vetë nxënësit.

“Bashkë me grupin kemi realizuar një shtëpi ku kemi bërë sensorët e parkimit dhe sensorin e derës. Kemi bërë çelës me dy pozicione për shtëpi banimi të jashtme dhe instalimet e brendshme, si kuti shpërndarëse dhe çelësat. Gjithmonë ka vështirësi rrugës, por ja kemi dalë me grupin. Na u desh gati 2 muaj, jemi të kënaqur me punën që kemi bërë”,-tha Shaliu.

Talent dhe pasion në Shkollën Teknike Profesionale në qytetin e

Daniel Shabani, një nxënës i vitit të parë në drejtimin e hidraulikës, ndan eksperiencën e një projekti të përbashkët mes tri degëve të shkollës, ndërtimi, elektrike dhe termohidraulike. Ata ndërtuan një model të një mbikalimi me konstruksion të detajuar dhe ndriçim funksional. Ndër të tjera, me shumë krenari, Danieli u bën thirrje të rinjve të zgjedhin Shkollën Teknike Profesionale për tu bërë profesionistë në të ardhmen.

“Në rrethin e mbikalimit kanë punuar nxënësit e tre drejtimeve, të ndërtimit, elektrikes dhe termohidraulikes. Pjesa e konstruksionit dhe prerja tërthore siç e shikoni, është realizuar nga nxënësit e ndërtimit ndërsa pjesa e shtyllave elektrike me tuba prej balti janë realizuar nga nxënësit e termohidraulikës duke filluar nga ngjitja dhe fërkimi i tyre. Më pas ndriçimi është realizuar nga nxënësit e elektrikes. Që nga fillimi i këtij punimi që ka qenë vizatimi deri tek faza e fundit, janë dashur gati 5 muaj. Kur shohim këtë punim gjatë pushimit në hollin e shkollës, ndjehemi shumë të lumtur që përpjekjet tona ja kanë vlejtur për atë që të fal ky punim. Ju them gjithë të rinjve që të vijnë në shkollën profesionale teknike nëse duan të bëhen profesionistë të së ardhmes”,-tha Shabani.

Talent dhe pasion në Shkollën Teknike Profesionale në qytetin e

Ndërkohë, drejtoresha e shkollës, Anxhela Taho, ndalet te rëndësia e “Ditëve të Hapura”, një traditë tashmë në këtë institucion. Taho shton se bashkëpunimi me institucionet arsimore të qarkut ka qenë shumë i frytshëm dhe se më shumë se 60% e shkollave të qarkut kanë vizituar tashmë Shkollën Teknike Profesionale.

“Prej vitesh tashmë organizojmë në Shkollën Teknike Profesionale "Ditët e Hapura", tre ditë të plota në dispozicion të gjitha shkollave 9-vjeçare të qarkut të Korçës, me qëllim organizimin e vizitave dhe prezantimin e ofertës të shkollës teknike profesionale për të gjithë të interesuarit. Janë ditë në të cilat ne ekspozojmë të gjitha punimet e nxënësve gjatë vitit mësimor, prezantojmë ofertën me mundësitë që ofron kjo shkollë. Gjatë këtyre takimeve u japim mundësi prindërve të këtyre nxënësve për tu njohur me këto drejtime të kërkuara në tregun e rajonit të Korçës dhe jo vetëm. Ajo që kemi parë deri më sot, është interesi i lartë i shkollave, ku për fat të mirë kemi një bashkëpunim shumë të mirë me të gjitha drejtoritë arsimore të qarkut. Sot mund të themi që kemi më shumë se 60% të shkollave që kanë vizituar shkollën tonë. Deri në shtator kur fillon viti i ri shkollor, dyert tona do të jenë të hapura në vazhdimësi për nxënësit dhe prindërit”,-tha Taho.

Shkolla Teknike Profesionale e Korçës po dëshmon çdo ditë se investimi në arsim profesional sjell rezultate konkrete dhe frymëzon të rinjtë drejt një të ardhmeje të sigurt dhe të suksesshme./CNA





Lajmet e fundit nga