E fundit!

08:32 Kosova & Bota

Pse Evropa Qendrore nuk është e përgatitur për valën e të nxehtit që po afron?

Një valë e fortë të nxehti pritet të përfshijë Evropën Qen...

“Artistët e së ardhmes”/ Nxënësit në shkollën “Prenk Jakova” shpalosin talentin e tyre përmes ekspozitës

23 Maj 2025, 15:11, Qyteti im CNA

“Artistët e së ardhmes”/ Nxënësit në

Një ekspozitë me pikturat e nxënësve të klasave të 8-ta dhe të 9-ta të Shkodrës u hap në shkollën e mesme artistike “Prenkë Jakova”. Kjo ekspozitë që zhvillohet për të dytin vit me radhë, shprehet drejtori Anton Kaftalli, përveç evidentimit të talenteve të pikturës, ka për qëllim edhe nxitjen e nxënësve që vitin e ardhshëm të zgjedhin shkollën 'Prenkë Jakova'”.

“Kemi startuar vjet e po vijojmë sërish me aktivitetin. Ekspozitë nga piktorët e vegjël të klasave të 8-ta dhe të 9-ta të qytetit dhe jashtë qytetit. Këtu janë 9 klasa që kanë sjellë piktura. Shihet që është një brez që premton. Ne kemi menduar që këto dy vite t'i sjellim në shtëpinë e tyre. Ata kanë parë të gjitha klasat, janë njohur me pikturat dhe kanë parë çdo gjë në shkollë. Jo çdokush është njoftuar për konkurset për punën që bëhet në shkollë, ndaj edhe ardhja e tyre shërben për të marrë informacione më të sakta për shkollën nëse duan që vitin tjetër të jenë këtu në klasë të 10-të”,-tha Kaftalli.

Gjatë ekspozitës u dhanë edhe disa çmime për punimet më të mira në pikturë, vizatim, tekstil dhe skulpturë. Disa prej nxënësve që u shpallën fitues tregojnë emocionet e tyre.

“Unë kam paraqit disa xhubleta të cilat janë në kuadër të lëndës së gjuhës shqipe. Synimi është të shprehim lirisht mendimet tona, të cilat mund t’i shprehim në art. Unë kam zgjedhur pikturën dhe shpresoj që t’iu kenë pëlqyer. Kjo është xhubleta e kuqe, e cila është karakteristike për Veriun. Kam edhe më tepër, por unë solla këtu vetëm 2 prej tyre. Pikturat dhe veprat tona kanë dalë të bukura dhe uroj të pëlqehen”,-tha nxënësja.

“Ndihem krenare sepse jam duke ndjekur diçka që mua më pëlqen shumë dhe shpresoj që ta vazhdoj. Kam sjellë një natyrë të qetë. Unë pikturoj që e vogël dhe kjo është edhe si qetësim, relaks",-tha nxënësja.

Punimet e nxënësve që morën pjesë në këtë ekspozitë u vlerësuan nga mësuesit e shkollës “Prenkë Jakova” duke i nxitur ata që të vijojnë rrugën e bukur të artit./CNA