web counter
LEXO PA REKLAMA!

SHKARKO APP

App Store
Google Play

E fundit!

x

Një rruge biçikletash përgjatë liqenit të Shkodrës/ Projekti i ri që i jep hov edhe turizmit pranë natyrës

23 Maj 2025, 17:34, Qyteti im CNA

Një rruge biçikletash përgjatë liqenit të

Në Shkodër po përgatitet plani konkret që synon zhvillimin e turizmit përgjatë gjithë vijës së liqenit të Shkodrës, nga Malësia e Madhe deri në qytetin e Shkodrës. Ky projekt po zbatohet në kuadër të programit Porta e Alpeve, i financuar nga Banka Europiane e Investimeve në bashkëpunim me Qeverinë Shqiptare dhe Fondin Shqiptar të Zhvillimit.

Një rruge biçikletash përgjatë liqenit të

“Rikthehemi për një takim per të diskutuar prokekt idenë e rrugës së biçikletave.Do të jenë 2 segmente me një gjatësi totale prej 83km. 2 segmente që do të jenë nga Bajza deri në hyrje të By Passit të Shkodrës dhe nga Ura e Bahçallëkut e deri në Velipojë. Përgjatë rrugës do të ketë edhe disa pika tërheqëse që do të shfrytëzohën për turizëm”,-tha arkitekti e projektuesi Cosimo Chiffi.

Nënkryetari i Bashkisë Shkodër, Rudin Beka, u shpreh se pritshmëritë janë që të krijohet produkti më i mirë turistik në të gjithë Ballkanin.

Një rruge biçikletash përgjatë liqenit të

 “E falenderoj ekipin, i cili është sot këtu për të prezantuar një ndër mundësite më të mira për Bashkinë Shkodër dhe Malësi e Madhe, për të krijuar një produkt të ri turistik për turizmin rural. Sot do prezantojmë projektin nga ku do të kalojë korsia e biçikletave nga Malësia e Madhe dhe do zhvillohet deri në derdhje të Bunës, dhe do të jetë një zhvillim shumë interesant, që do ti japë hov turizmit të natyrës afër ujit. Aty do të ketë ndërthurje edhe të historisë, ku turistët do kenë mundësi të eksplorojnë në të dy bashkitë”,-tha Beka.

Në këtë fazë përgatitore, është rënë dakord që të mbështeten Bashkia Shkodër dhe Bashkia Malësi e Madhe për hartimin e studimit të fizibilitetit dhe projekt-idesë për ndërtimin e një rruge biçikletash përgjatë liqenit të Shkodrës dhe lumit Buna deri në Detin Adriatik.

Një rruge biçikletash përgjatë liqenit të

Gjatë kësaj punëtorie me ekspertë vendas dhe ndërkombëtarë, do të diskutohet mbi studimin ku do të vendoset bashkërisht gjurma përfundimtare e rrugës, karakteristikat teknike si dhe ndërhyrjet e propozuara si ndalesa të vogla, pika informacioni turistik, përgjatë intinerarit./CNA

 

 

 

 

 





Lajmet e fundit nga