web counter
LEXO PA REKLAMA!

SHKARKO APP

Festivali Vjosa-Art/ Përmeti pret për tri ditë tinguj dhe zëra nga e gjithë bota

26 Maj 2025, 09:18, Qyteti im CNA

Festivali Vjosa-Art/ Përmeti pret për tri ditë tinguj dhe

Në qytetin e Përmetit është mbajtur për herë të parë festivali ndërkombëtar Vjosa-Art, një ngjarje kulturore treditore që solli tinguj dhe zëra nga e gjithë bota, duke e kthyer qytetin jugor në një skenë të hapur arti dhe emocionesh.

Për tri net me radhë, artistë të njohur dhe të rinj performuan për publikun përmetar, mes tyre pianisti Koço Tashko, nipi i Tefta Tashko Koços, pianistja Adelajd Zhuri, si dhe këngëtarja përmetare me famë ndërkombëtare Suela Mero, e cila jeton dhe krijon në Kanada. Emocione të veçanta solli edhe këngëtari Klajdi Musabelliu, ndërsa mbrëmjet kulmuan me after party nën ritmet e DJ Ave.

Artistët pjesëmarrës u shprehën të prekur nga mikpritja dhe atmosfera unike e festivalit, duke premtuar rikthimin e tyre në edicionet e ardhshme.

Drejtoresha artistike e festivalit, Alma Strazimiri, tha për mediat se Vjosa-Art është pritur me entuziazëm të jashtëzakonshëm nga banorët e Përmetit, të cilët sfiduan edhe motin për të qenë pjesë aktive e çdo mbrëmjeje.

Festivali Vjosa-Art organizohet për herë të parë këtë vit nga gazetari përmetar Bledi Mane, në bashkëpunim me Bashkinë e Përmetit, dhe synon të kthehet në një traditë vjetore që promovon artin, kulturën dhe bukuritë natyrore të këtij qyteti./ CNA

 





Lajmet e fundit nga