Rënia e numrit të studentëve në Shkodër/ Rektori: Dialog me maturantët dhe studim i terrenit

27 Maj 2025, 15:40, Qyteti im CNA

Rënia e numrit të studentëve në Shkodër/ Rektori:

Rënia e numrit të studentëve në Shqipëri po rrezikon gjithnjë e më shumë universitetet shqiptare për mbylljen e atyre degëve që kanë një numër të ulët studentësh prej vitesh. Ky rrezik nuk përjashton Universitetin e Shkodrës “Luigj Gurakuqi”, një qytet ku këtë vit janë afërsisht 1200 maturantë më pak.

Rektori i këtij universiteti, Tonin Gjuraj, në mbledhjen e Senatit u kërkoi drejtuesve të departamenteve që të dalin në terren dhe t'u bëjnë thirrje maturantëve që Universiteti i Shkodrës të jetë zgjedhje e parë.

Rënia e numrit të studentëve në Shkodër/ Rektori:

“U kërkoj drejtuesve të departamenteve, drejtuesve te fakulteteve që t’u bëjnë thirrje maturantëve që të mund të kenë Universitetin ‘Luigj Gurakuqi’ zgjedhje të parë. Duhet që të shfrytëzojnë çdo kanal komunikimi, rrjetet sociale, takimet e drejtpërdrejta dhe të jenë më aktivë edhe në media që të paktën maturantët e veriut të mund të vijnë pranë Universitetit tonë”,-Gjuraj.

Rënia e numrit të studentëve në Shkodër/ Rektori:

Një tjetër kërkesë e rektorit Gjuraj është që të gjendet mundësia që studentët të kthehen në ndërmarrjen e trajtimit të studentëve, duke u kërkuar drejtuesve të konviktit që të jenë më prezentë dhe më të qartë me kushtet e përmirësuara që ofrohen atje.

“Kemi nisur një dialog intensiv me ndërmarrjen e trajtimit të studentëve. Ne duhet që të bindim maturantët që studentët të kthehen në konvikt. Kjo ndërmarrje që ka përmirësuar kushtet është avantazh nëse një maturant që ka bërë zgjedhjen e vet në universitetin tonë të mund të ketë mundësi akomodimi që janë më të arsyeshme. Kam pasur një komunikim me drejtuesit e kësaj ndërmarrjeje që të mund të kenë një paketë më të qartë sa u takon kushteve, tarifave dhe shërbimeve që ata ofrojnë”,-tha Gjuraj.

Rënia e numrit të studentëve në Shkodër/ Rektori:

Nga ana tjetër, pushtetet lokale, tha rektori Gjuraj, kanë për detyrim partneritetin me Universitetin e Shkodrës në bazë të një drafti që po finalizohet si një detyrim edhe në kuadër të antarësimit në BE, bashkëpunim i cili deri më tani nuk ka funksionuar siç duhet.

“Bashkitë e Qarkut të Shkodrës të ftojnë kolegët tanë për ekspertizë, për studime të plota, për studime pjesore apo diçka tjetër sa i takon territorit, urbanizimit, studimeve antropologjike në turizëm, në ekonomi, në albanologji e kështu me radhë. Pushtetet lokale, bashkitë kanë detyrimin të bashkëpunojnë me universitetin, kanë detyrimin të ftojnë kolegët tanë që të bëhen pjesë e këtyre studimeve”,-tha Gjuraj.

Rektori i Universitetit të Shkodrës, Tonin Gjuraj, po kërkon vënien në lëvizje të të gjitha hallkave si dhe gjetjen e disa metodave të reja, bashkë me ndryshimin e kurrikulave apo përmirësimin e tyre, në mënyrë që në këtë universitet të ndalet kriza e rënies së numrit të studentëve, që ka prekur arsimin e lartë kudo në Shqipëri./CNA