E fundit!

07:20 Ekonomi

Kursi i këmbimit, 16 korrik 2026

Këtë të enjte një dollar amerikan blihet me 81.1 lekë ...

Përkujtohet Atë Pjetër Mëshkalla/ Ish-të përndjekurit politikë: Sot nuk erdhën ata që nuk ishin të denjë

4 Qershor 2025, 17:39, Qyteti im CNA

Përkujtohet Atë Pjetër Mëshkalla/ Ish-të

Atë Pjetër Meshkalla u përkujtua në një aktivitet të organizuar nga universiteti i Shkodrës “Luigj Gurakuqi” në bashkëpunim me Vitor Martinin, ish i përndjekur politik. Ky aktivitet u organizua aty ku 58 vite më parë u zhvillua një mbledhje për demaskimin ndaj Atë Pjetër Meshkallës më 29 prill të vitit 1967.

“Kam thirrur në këtë sallë të gjitha partitë, kryetarin e bashkisë, institucionet fetare dhe faleminderit atyre që kanë ardhur, por faleminderit edhe atyre që nuk kanë ardhur sepse duke mos ardhur ata që nuk janë të denjë të dëgjojnë emrin e shenjtë të Padër Meshkallës. Të dërguarit e Komitetit të Partisë Komuniste i thanë Meshkallës se të kemi thirrur këtu për të prezantuar me popullin dhe për të treguar se sa të do ky popull, Padër Meshkalla u çua në këmbë dhe tha unë i njoh mirë katolikët, orthodoksët dhe muslimanët, janë një popull shumë fetar, por do të ishte krim sikur unë sot të kërkoj mbështetjen e këtij populli sepse e keni lidhur me kafshatën e bukës. Nëse doni të rrisni fëmijët tuaj me një edukatë të fortë morale, busull e keni Padër Meshkallen”,-tha Martini.

Përkujtohet Atë Pjetër Mëshkalla/ Ish-të

Profesor Arben Prendi nga Departamenti i Letërsisë foli për figurën e Atë Pjetër Meshkallës, një prej klerikëve që u dënua dy herë me burg nga regjimi komunist.

“Atë Padër Meshkalla me një guxim vetëmohues doli publikisht me predikime dhe shkrime kundër reformave të përgjakshme që po merrte regjimi komunist. Meshkalla u arrestua në 1946 duke u dënuar me 15 vite burg dhe pas vuajtjeve në burgun famëkeq të Burrelit, lirohet në vitin 1960 duke iu ndaluar e drejta për të ushtruar meshtarinë. Atë Meshkalla deklaron se është e vërtetë se ka predikuar kundër komunizmit se e ka ditur mirë se ai është një sistem kundër Zotit. Për herë të dytë arrestohet në 1967 për Agjitacion e Propagandë, në kulmin e revolucionin kulturor të komunizmit, që kulmoi me mbylljen e institucioneve fetare dhe me shpalljen e Shqipërisë socialiste si i vetmi vend socialist në botë. Ky dënim vjen pas një letre që Atë Meshkalla i dërgon Mehmet Shehut më 5 prill 1967. Në atë letër në mënyrë të qartë dhe të prerë shpreh revoltën për mbylljen e institucioneve fetare dhe dhunës psikologjike dhe fizike që po ushtrohej mbi popullin shqiptar”,-tha Prendi.

Përkujtohet Atë Pjetër Mëshkalla/ Ish-të

Atë Pjetër Meshkalla u lind në Shkodër në shtatorin e vitit 1901. Jetën e tij ia kushtoi fesë dhe studimeve ndërsa për predikimet e tij vuajti në burgjet e komunizmit. U nda nga jeta më 28 korrik të vitit 1988 ndërsa është një prej klerikëve të parë që u dekorua si “Pishtar i Demokracisë”./CNA