web counter
LEXO PA REKLAMA!

SHKARKO APP

App Store
Google Play

E fundit!

x

Shkodër, 1430 maturantë i nënshtrohen provimit/ Kadia: Synojmë të kemi më shumë medalistë

3 Qershor 2025, 13:32, Qyteti im CNA

Shkodër, 1430 maturantë i nënshtrohen provimit/ Kadia:

Sot në të gjithë Shqipërinë po zhvillohet provimi i parë i Maturës Shtetërore. Në Shkodër, drejtorja e Zyrës Vendore të Arsimit, Brisela Kadia, tha se janë 1430 maturantë që i janë nënshtruar provimit në lëndët e gjuhëve të huaja: anglisht, italisht dhe frëngjisht.

 “Sot filluam provimet e Maturës Shtetërore. Kemi nisur me provimin e gjuhës së huaj, në ZVA Shkodër janë gjuha angleze, italiane dhe frëngjishtja. Kemi organizuar 6 qendra provimi, në të cilat janë përqendruar 23 institucione arsimore, gjimnaze, shkolla të mesme të bashkuara publike e private, por edhe shkollat profesionale. Janë 1430 nxënës që po marrin pjesë në këtë provim dhe po ashtu, janë të angazhuar 148 mësues dhe drejtues që do të menaxhojnë gjithë procesin. Ka edhe mbikëqyrjen e Ministrisë së Arsimit, por që janë shoqëruar edhe nga policia e shtetit”,-tha Kadia.

Shkodër, 1430 maturantë i nënshtrohen provimit/ Kadia:

Nxënësit me aftësi ndryshe kanë zhvilluar një test të veçantë nën kujdesin e mësuesve ndihmës.

 “Kemi edhe nxënës me AK që u nënshtrohen provimeve dhe kanë një test të veçantë, por edhe mësues ndihmës që i shoqërojnë gjatë gjithë provimeve. Është provim me short, ku hidhet shorti në mëngjes dhe asnjë nga mësuesit dhe drejtuesit nuk e ka ditur se ku janë qendrat që do të menaxhojnë”,-tha Kadia.

Shkodër, 1430 maturantë i nënshtrohen provimit/ Kadia:

Edhe pse shifrat nuk janë ende të sakta, në ZVA Shkodër për momentin janë afro 90 maturantë më pak këtë vit, një numër që vjen gjithnjë në rënie i të rinjve që kryejnë shkollat e mesme.

Shkodër, 1430 maturantë i nënshtrohen provimit/ Kadia:

 “Janë afërsisht 90 maturantë më pak se një vit më parë, por nuk mund të themi se është një shifër as shumë e madhe, as shumë e vogël, duke pasur parasysh se provimeve të maturës shtetërore i nënshtrohen nxënës që po mbyllin ciklin trevjeçar, por janë edhe nxënës që kanë detyrime të pashlyera nga vitet e mëparshme, kështu që nuk është shumë shifër e matshme në këtë aspekt. Sigurisht qëllimi është që të mos kemi luhatje nga notat e mëparshme të nxënësve dhe të kemi edhe një përfaqësim me medalje të arta më të lartë se vitin e kaluar”,-tha Kadia.

Në ditët në vazhdim maturantët do t’u nënshtrohen edhe provimeve të tjera të Maturës Shtetërore, duke përmbyllur kështu një cikël të rëndësishëm të jetës së tyre dhe duke u bërë gati për studimet universitare./CNA





Lajmet e fundit nga