web counter
LEXO PA REKLAMA!

SHKARKO APP

App Store
Google Play

E fundit!

x

“Natyral Razma Resort”/ Destinacion ideal për pushime në mal

1 Qershor 2025, 11:22, Qyteti im CNA

“Natyral Razma Resort”/ Destinacion ideal për pushime në

Mes ajrit të freskët malor, pyjeve të dendura me pishë dhe qetësisë së natyrës së paprekur gjendet  “Natyral Razma Resort”. I ndodhur në zonën piktoreske të Razmës, në zemër të Alpeve Shqiptare, ky resort është destinacioni ideal për pushime familjare, qëndrime romantike, evente biznesi apo thjesht për të larguar stresin e përditshëm dhe për t’u rilidhur me natyrën.

Ndërtimi i tij nisi në vitin 2009, kohë e vështirë dhe pa akses në turizëm apo infrasktrukturë. Megjithatë Sherazi Kastrati, pronari i “Natyral Razma Resort” e zgjodhi Razmën me perspektivën e së ardhmes.

“Resorti ka filluar punë në vitin 2009, pra po bëhën 16 vite. Ndërsa si ide ne kishim nga një agjensi turistike që e zotëronim në Shkodër dhe tu pas parasysh atë cfarë mendonim se do të ndodhte në Shkodër në planin turistik . Në konsideratë kishim Vermosh, Theth, Rzëm. Zgjodhëm Razmën duke patur parasysh kohën dhe historinë. Pra Razma I kishte të trija këto më të favorshme se të gjithë pikat e tjera.Zgjodhëm “Natyral Raazma” duke u  bazuar tek natyra, pjesë karakteristike e vendit tonë. E dyta, pozicioni, vendi ku është. Kur menduam hotel apo resort, ne kishim një arkitekt Gjerman që ngulte këmbë tek shumllojshmëria e shërbimeve që duhet të ofrohen.Nuk është e thënë të ketë siperfaqer pa fund, pasi në resort mund të futet edhe një godnë shumë herë më e e vogël por që ofron disa shërbime.

Puna ka nisur nga 0, pasi atëhere ishte një rrugë e pa ndërtuar.Ka qënë shtëpi ekzistuese porn ë kushtet e asaj kohe. Rruga ka nisur të bëhët atë vit pasi ne kishim hapur, kishte vështirësi të jashtëzakonshme. Edhe sot mund të ketë njerëz që nuk e njiohin Razmën, ndaj ne kemi nevojë për më shumë promovim. Më pas erdhi pandemia, e cila kishte vështirësi të mëdha porn ë raport me turizmin malor kishte një bonus të jashtëzakonshëm, pasi njerëzit kuptuan vlerën e ajrit dhe malit. Në këtë raport Razma e ofron shumë mirë.Emri Razëm vjen nga Azëm, pra është e mirë për astmë duke iu drejtuar turizmit shëndetësor. Razma të ofron shumë lloj turizmi. Më vjen mirë që sot është një destinacion kryesor gjithëvjetor. Turizmi malor vjetor nuk ka hapje sezoni, ka hapje me 1 janar dhe mbyllje me 31 dhjetor. Kjo është arsyea që në kemi ardhur këtu sepses shumë mirë mund  të kishim ik në bregdet për investim”, u shpreh Kastrati.

 

Pas pandemisë, duket se turizmi malor mori një tjeter vrull. Jo vetëm vizitorë shqiptarë por tashmë nga cdo cep I botës..

“Nuk i di shifrat e Thethit apo Vermoshit, por nese flasim për Razmën zona ka një raport 80% shqiptar dhe 20% të huaj. Kjo shifer ishte sidomos në pandemi..Me lëvizjen e të huajve tashmë nuk kemi vetëm verë, dimer por edhe pranverë.Pak më pak është vjeshta.Turizmi malor ka një rritje të konsiderueshme të turistëve që e shkelin malin. Të huajt kanë një specifikë, në razëm ka europiano-perendimor deri në Amerikë. Është një klientelë shumë e mirë”, tha Kastrati.

 

Dhomat dhe suitat në “Natyral Razma Resort” janë dizajnuar për të kombinuar komoditetin modern me atmosferën e ngrohtë alpine. Mobilimi tradicional prej druri, dritaret me pamje nga pylli apo majat e thepisura të maleve dhe elementët natyrorë të përdorur në dekorim krijojnë një ambient të qetë dhe frymëzues.

 

“Ne kemi 27 dhoma, bar, restorant, pishinë, shërbim masazhesh, sauna. Lojra për fëmijë, bicikleta, motorrë borë mundohemi që të kemi një shumllojshmëri..Kemi guida, of dhe online. Rreth 14 guida, që nisin nga gjysëm ore e deri në 15 orë..Të huajt e kanë edukatën e ecjes në mal ,tashmë kemi nisur edhe ne shqiptarët. Razma ka fatin të ketë gjithcka brenda. Ka qetësi akomodim dhe relaks brenda resortit,dhe distance nga Razma në Theth, Vermosh, Velipojë bëhët brenda dites..Ka të huaj që rrijnë edhe 10 ditë dhe në cdo ditë ka atraksion në vende të ndryshme. Rrin në Razëm por shfrytëzon mal e det në një distancë prej 70 km, këto janë bonuse që na I ka fal zoti dhe ne duhët ti shfrytëzojmë”, u shpreh pronari i “Natyral Razma Resort”.

 

Restoranti i resortit është një tjetër pasuri. Kuzhina ofron një përzierje të recetave tradicionale shqiptare dhe atyre të përzgjedhura ndërkombëtare, gjithnjë me produkte të freskëta vendore. Natyral Razma Resort është një destinacion për të gjitha stinët. Në verë, ofron mundësi për ecje në shtigje malore, eksplorim të bukurive të parkut natyror, çiklizëm apo piknik në natyrë.

Në dimër, dëbora e bardhë e mbulon zonën dhe krijon mundësi për sporte dimërore, shëtitje me këpucë bore apo thjesht për të shijuar një gotë verë pranë zjarrit. Natyral Razma Resort nuk është thjesht një vend për të fjetur – është një përvojë e plotë, ku pushimi, natyra dhe kultura ndërthuren në mënyrë harmonike./ CNA





Lajmet e fundit nga