E fundit!

09:44 Politikë

Triumfoi ndaj Boçit në garën për nënkryetar/ Mesazhi i Këlliçit pas fitores

Belind Këlliçi është zgjedhur nënkryetar i PD-së me 177 vo...

Hotel "Globi" në zemër të Velipojës/ Sezoni nis ndryshe, akomodim falas për veteranët e UÇK-së

2 Qershor 2025, 18:23, Qyteti im CNA

Hotel "Globi" në zemër të Velipojës/ Sezoni nis

Miran Pali është nga Shkodra dhe prej 8 vitesh merret me hoteleri-turizëm. Për të dytin vit radhazi, Mirani administron Hotel ‘Globe’.

I vendosur në një pozicion të privilegjuar, vetëm pak minuta larg plazhit me rërën e artë të Velipojës, Hotel ‘Globi’ është më shumë se një hotel. Është një shtëpi larg shtëpisë. Ky hotel përçon ndjesinë e ngrohtësisë, që e gjen rrallë në strukturat e mëdha turistike.

Hotel "Globi" në zemër të Velipojës/ Sezoni nis

“Kjo është një strukturë hotelore,e përbërë nga 23 ambjente të ndryshme. Kemi dhoma dyshe, treshe dhe apartamente për 5 persona. Klientela jonë kryesore është me shqiptarë të Kosovës. Çdo vit në fillim të sezonit mundohemi të bëjmë diçka pak më ndryshe, që të fillojmë sezonin gradualisht. Pra ne mendojmë që një pjesë e asaj që merret të kthehet mbrapsht gradualisht. Këtu ka qënë edhe ideja, që këtë vit ta nisim më ndryshe sesa vitet e tjera. Me pjesen e turizmit merremi prej 8 vitesh dhe aktualisht turizmi ka njohur një rritje graduale. Kemi filluar me pak dhoma, me 3-4 dhe tani keni arritur të keni 24 ambjente të ndryshme. Strukturat i kemi përshtatur me turizmin e zonës, duke qënë se shumica e shqiptarëve të Shqipërisë dhe atyre të Kosovës vijnë disa persona bashkë, i kemi përshtatur ambjentet dhe kuzhinën që të gatuajnë”,-thotë Pali.

Hotel "Globi" në zemër të Velipojës/ Sezoni nis

Megjithatë të meresh me turizëm nuk është aspak e lehtë. Velipoja ende vijon të ketë sfidat e saj, që nisin me infrastrukturën apo edhe konkurrencën e fortë, por Mirani ia ka dalë të bëhet faktor në sektorin turistik.

“Realisht është shumë e lodhshme, por ka edhe një kënaqësi të jashtëzakonshme. E kam me pasion kontaktin me njerëz dhe e bëj me kënaqësi, pavarsisht se orët janë të gjata sepse duhet të meresh thuajse non-stop prej më 1 qershor e deri më 15 shtator. Velipoja është ndër plazhet më të bukura të rivieres shqiptare, e për absurditet, është një ndër zonat më pak të zhvilluara. Prandaj them se e kemi pak më të vështirë se pjesa tjeter e bregdetit, por mendoj që deri tani ia kemi dalë. Sa i takon hotelit tonë, ne e kemi përshtatur me disa paketa ku krahas akomodimit kemi shoqëruar me mëngjes apo edhe vakte të tjera në varësi të klientit, se çfarë kërkon. Ofrojmë paketa ditore apo javore të ndryshme”,-tregon Pali.

Hotel "Globi" në zemër të Velipojës/ Sezoni nis

Këtë vit sezoni nisi ndryshe. Mirani, së bashku me panarin ekzistues të kësaj njësie, vendosën që javën e parë të qershorit t’ia dedikojnë veteranëve të luftës së UÇK-së. Interesi ishte i jashtëzakonshëm menjëherë.

“Unë jam me qira në këtë strukturë, u bënë 2 vite. Tek pronari kam gjetur një bashkëpunim të mrekullueshëm, ku edhe vjet, 5 ditët e para të qershorit ia kemi kushtuar njerëzve në nevojë. Rasti i këtij viti është për një shtresë e cila ka kontribuar për shoqërinë, e kush më mirë se veteranët e luftës. Pas dëshmorëve, janë njerëzit më të rëndësishëm, që kanë derdhur gjakun për Kosovën, e Kosova pjesë e Shqiperisë është. Kjo nuk do ishte bërë vetëm falë meje, por edhe me dakordësinë e pronarit të këtij hoteli, të cilin e falenderoj për mundësine që më dha. Unë njoftimin e bëra në faqen time të facebook-ut dhe e shpërndava si njoftim që 5 ditët e para të qershorit do jenë falas me akomodim dhe mëngjes për veteranët e UÇK. Një deputete e parlamentit të Kosovës më kontaktoi dhe ai e bëri njoftimin. Ka patur një boom telefonatash, mbi 3 mijë telefonata. Që është e pa mundur t’i akomodojmë të gjithë, por ne aktualisht jemi me kapacitet maksimal duke punuar në këto ditë. Jam shumë i gëzuar që këto ditë ua kemi kushtuar veteranëve dhe invalidëve të luftës”,-tha Pali.

Hotel "Globi" në zemër të Velipojës/ Sezoni nis

Pas datës 5 qershor, kur hoteli do rihapet për të pritur pushues nga çdo cep i botës, Mirani apelon për çdo kend që dëshiron të pushojë në Velipojë, që të zgjedhë Hotel ‘Globi’.

“Për mua, plazhi i Velipojës dhe ‘Globi’ shkrihen. Kjo sepse plazhi i Velipojës është më shumë familjar, pra për qetësi dhe komoditet. Nuk ka shumë hapësira për rininë, por është plazh më shumë kurativ dhe ekonomik. Edhe ne tek hotel ‘Globi' ofrojmë qetësi, çmime ekonomike, akomodim, parking, kënd lojrash, pra ambjente çlodhëse. Bari dhe restoranti janë pjesa atraktive ku mund të konsumojnë një kafe një pije dhe të shijojnë natyrën e qetë me çmime normale, ekonomike, siç janë në Shkodër”,-tha Pali.

Hotel "Globi" në zemër të Velipojës/ Sezoni nis

‘Globi' nuk është një hotel. Është një përvojë që mbetet në kujtesë. Shumë vizitorë kthehen vit pas viti, jo vetëm për bukurinë e Velipojës, por sepse ndihen të lidhur me këtë hotel, me njerëzit që e bëjnë të veçantë dhe me atmosferën e ngrohtë që të bëjnë të ndjehesh si në shtëpi./CNA