web counter
LEXO PA REKLAMA!

SHKARKO APP

App Store
Google Play

Hyrja e Shkodrës në kaos/ Java nis me trafik të rënduar

9 Qershor 2025, 16:18, Qyteti im CNA

Hyrja e Shkodrës në kaos/ Java nis me trafik të rënduar

Hyrja e qytetit të Shkodrës është nyja më shqetësuese për drejtuesit e automjeteve. Dita e parë e kësaj jave në Shkodër nuk ka ndryshim nga fundjava. Hyrja e qytetit kryesisht, por edhe akse të tjera, kanë një ngarkesë të madhe automjetesh, duke krijuar kështu radhë të gjata në trafikun rrugor.

Nyja hyrëse e qytetit ku bashkohen të gjitha automjetet që vijnë qoftë nga pika doganore e Muriqanit, por edhe nga Hani i Hotit përmes akseve në qytet është tashmë pika më problematike, duke detyruar drejtuesit e automjeteve dhe pasagjerët që të presin për një kohë relativisht të gjatë.

Ura në Shkodër iu nënshtruar edhe një ndërhyrje të përvitshme, duke ndikuar edhe më shumë në trafikun rrugor, të krijuar që në orët e paradites të ditës së sotme.

Pikërisht për shkak të këtij trafiku të dendur rrugor të krijuar gjatë muajve të verës, hyrja e Shkodrës i është nënshtruar një rikonstruksioni të plotë të saj për zgjerimin dhe eleminimin e radhëve të gjata dhe pritjes lodhëse për drejtuesit e automjeteve. Ajo që mbetet më shumë shqetësuese në këtë situatë të përvitshme janë edhe temperaturat e larta që mund të krijojnë probleme të ndryshme tek përdoruesit e rrugës në atë zonë./CNA





Lajmet e fundit nga