Nis sezoni turistik në Pukë/ Aktivitete, festë dhe apel për investime

10 Qershor 2025, 18:20, Qyteti im CNA

Nis sezoni turistik në Pukë/ Aktivitete, festë dhe apel për

Qyteti i Pukës hapi zyrtarisht sezonin turistik dhe njëkohësh festoi ditën e kulturës pukjane që kremtohet çdo 9 qershor. Kjo ditë me aktivitete të ndryshme në Pukë shpalosi vlerat artistike dhe kulturore të trashëgimisë së këtij qyteti. Ajo që Bashkia e Pukës synon është turizmi gjithëvjetor.

Nis sezoni turistik në Pukë/ Aktivitete, festë dhe apel për

“Kjo është një ditë e veçantë për qytetin tonë. Puka ka mundësi për një turizëm gjithëvjetor dhe ne shpresojmë që këtë ta promovojmë sa më shumë, por na duhet ndihma e të gjithë institucioneve. Ne po bëjmë gjithçka është e mundur për t’i promovuar këto resurse dhe për t’i vënë në jetë ato që vetë natyra ia ka falur Pukës dhe për të rigjallëruar jetën në qytetin tonë. Ishte një risi e veçantë hapja e këtij sezoni turistik me të gjitha detajet e përgatitura dhe jam i bindur që edhe me rrjetin e bujtinave, por edhe me atë që vetë Puka ofron si Zip-Line me një gjatësi 1.2 km ndër më të mëdhenjtë në Ballkan, i jep vlera të shtuara Pukës. Gjej rastin që të ftoj çdo të ri apo këdo tjetër për të investuar në Pukë sepse ne si bashki do ta mbështesim plotësisht”,-tha Ferid Ringaj, Zëvendëskryetar i Bashkisë Pukë.

Nis sezoni turistik në Pukë/ Aktivitete, festë dhe apel për

Drejtorja e Turizmit në Bashkinë Pukë, Dhurata Risto u shpreh se ligji për Paketën e Maleve është një mundësi e mirë për të investuar në atë vend.

“Unë ju falenderoj ju dhe gjithë aktorët e tjerë që merrni pjesë në këto aktivitete të rëndësishme për ne, për t’ju thënë që ne si bashki jemi këtu duke vënë në dispozicion të gjitha mundësitë tona sepse ne duam që të ofrojmë idetë tona dhe të tjerët të vijnë dhe të na mbështesin. Ligji për Paketën e Maleve është i rëndësishëm dhe ide e mirë për të rinjtë që kanë emigruar, por edhe biznesmenë të tjerë të vijnë dhe të investojnë sepse Puka bëhët e bukur siç është”,-tha Risto.

Nis sezoni turistik në Pukë/ Aktivitete, festë dhe apel për

Në ditën kulturore pukjane dhe hapjen e sezonit turistik në Pukë u promovuan disa botime librash të autorëve të ndryshëm ndërsa vijoi me një panair ushqimesh dhe veshjesh tradicionale dhe aktivitete argëtuese./CNA