Të rinjtë në shkollat profesionale/ Marrja e një zanati, mundësia për bursë dhe punësimi që në bankat e shkollës

12 Qershor 2025, 16:18, Qyteti im CNA

Të rinjtë në shkollat profesionale/ Marrja e një zanati,

Tashmë prej 2 vitesh, qeveria shqiptare ka shpallur prioritet arsimin profesional. Në mbyllje të vitit shkollor 2024-2025 shkollat profesionale “Ndre Mjeda” në Bushat dhe “Hamdi Bushati” në Shkodër iu nënshtruan provimeve të praktikës.

Ndërkohë që në në korrik të vitit 2024 qeveria prezantoi projektin pilot të sistemit dual, në kuadër të reformës së arsimit profesional sipas të cilit të rinjtë e përfshirë në një program profesional, të kryejnë 3 ditë në javë praktikën pranë një biznesi dhe vetëm dy ditë mësim teorik pranë shkollës profesionale.

Të rinjtë në shkollat profesionale/ Marrja e një zanati,

“Ne kemi shumë vite që bashkëpunojmë me shkollën ‘Hamdi Bushati’ dhe çdo herë na kanë sjellë nxënës të talentuar në fushën e kuzhinës, por edhe në sektorë të tjerë. Ne mundohemi nga ana jonë që t’i përkrahim të rinjtë dhe t’i mbështesim. Jemi shumë të kënaqur me shkollat profesionale dhe besoj se arsimi profesional po tregon se ia vlen për të rinjtë që duan një punë të mirë. Tani nxënësit po bëjnë provimin e praktikës te biznesi ynë. Ajo që dua të them është se projekti ‘DUAL’ po rezulton shumë i suksesshëm sepse nxënësit edhe punojnë, edhe paguhen, edhe mësojnë. Besoj se në të ardhmen do të kemi bashkëpunime të tilla”,- u shpreh Mirsad Berdica, menaxher biznesi.

Angazhimi i tyre 18 orë në javë pranë një biznesi paguhet me një shumë monetare sa paga minimale. Në Shkollën e Mesme Profesionale “Hamdi Bushati” 21 nxënës u bënë pjesë e klasës ‘Dual’ ndërsa zhvilluan provimin e kësaj lënde në biznese.

Të rinjtë në shkollat profesionale/ Marrja e një zanati,

“Tashmë janë bërë disa vite që biznesi ynë dhe shkolla ‘Hamdi Bushati’ kanë një marrëdhënie korrekte dhe shumë të mirë. Ata sjellin nxënës të ndryshëm për praktikë dhe ne i marrim me shumë dëshirë sepse na shërbejnë, jo vetëm ne, por besoj të gjitha restoranteve dhe lokaleve. Deri më tani kemi qenë shumë të kënaqur dhe shpresoj që bashkëpunimi të shkojë në këto nivele. Janë të rinj që kanë dëshirë dhe vullnet të mësojnë dhe ndër vite realiteti ka treguar se shkollat profesionale janë një zgjedhje shumë e mirë sepse të rinjtë janë punësuar si brenda vendit, por edhe jashtë Shqipërisë duke u zhvilluar shumë dhe duke pasur pagesa të mira. Ne do t’i mbështesim gjithmonë sepse ia vlen”,-tha Senad Perfati, kuzhinier.

Marrja e një zanati, mundësia për bursë, si dhe punësimi që në bankat e shkollës janë disa prej arsyeve që nxënësit vitet e fundit kanë zgjedhur masivisht për të studiuar në shkollat profesionale./CNA