web counter
LEXO PA REKLAMA!

SHKARKO APP

App Store
Google Play

Vokshi zbulon planin/ Çfarë do të bëjë opozita pas protestës së 7 korrikut

9 Korrik 2022, 19:16, Politikë CNA
Vokshi zbulon planin/ Çfarë do të bëjë opozita pas
Deputetja e Partisë Demokratike, Albana Vokshi

Deputetja e Partisë Demokratike, Albana Vokshi, ka treguar planin e opozitës, pas protestës së suksesshme të 7 korrikut.

Vokshi tha në emisionin “Kjo Javë” se opozita do të vazhdojë me protesta në të gjithë Shqipërinë, në çdo rrugë e lagje.

Ajo theksoi se kalendari i tyre nuk është bërë ende, pasi theksoi se hapat e radhës do të përcaktohen nga “Fronti për Shpëtimin e Shqipërisë”.

“Të gjithë jemi të vetëdijshëm që nuk mjaftojnë vetëm strukturat e PD-së për të reaguar, duhet reagim qytetar. Kjo protestë ishte kombëtare dhe doli përtej strukturave të PD-së. Kishte qytetarë të lirë që nuk kishin frikë të protestonin edhe pas shantazheve e presionit të administratës së Ramës.

Është krijuar tashmë një 'Front për Shpëtimin e Shqipërisë' me pjesëmarrjen e shumë aktorëve të shoqërisë cilive, palëve të interesit, shoqatave të profesionistëve të lirë, që janë ndër qytetarët që rëndohen më shumë me politikat e qeverisë së Ramës dhe taksimit.

Është krijuar pra një front që shumë shpejt do të bisedojë për hapat e radhës, lëvizje të mosbindjes civile, kalendar protestash, sepse protesta do të duhet të shpërndahet në të gjithë Shqipërinë, në çdo rrugë e lagje.

Ky front përtej drejtuesve të PD-së do të përcaktojë kalendarin. Nuk ka kthim pas. Deri në shkundjen e qeverisë për të respektuar të drejtat e liritë e qytetarëve, por nëse nuk reagon…

E keni parë që ka reaguar këto ditë, për katër ditë kanë ndryshuar 4 herë çmimet e naftës. Një ditë para protestës, nxori dy ministre për të njoftuar rritjen e pagës, megjithëse qesharake…

Protesta është gjithmonë e suksesshme nëse jemi bashkë dhe nuk shfrytëzohet për kapital politik, por për të mbrojtur e respektuar liritë e të drejtat e qytetarëve”, theksoi deputetja./ B.A. – CNA.al





Lajmet e fundit nga