web counter
LEXO PA REKLAMA!

SHKARKO APP

App Store
Google Play

E fundit!

x

Deputetët e Bashës, në protestën e Berishës/ Vokshi: E kishin detyrim moral e politik

9 Korrik 2022, 18:21, Politikë CNA
Deputetët e Bashës, në protestën e Berishës/ Vokshi: E
Deputetja e Partisë Demokratike, Albana Vokshi

Deputetja e Partisë Demokratike, Albana Vokshi, ka folur sot për protestën e 7 korrikut, ku u panë të merrnin pjesë edhe deputetë të rreshtuar krah ish-kryetarit të PD-së, Lulzim Basha.

Vokshi tha në emisionin “Kjo Javë” se çdo deputet e kishte detyrimin moral e politik të dilte në protestë.

Ajo deklaroi se ata do t’u përgjigjeshin pritshmërive, jo vetëm të anëtarësisë dhe strukturave, por qindra mijëra qytetarëve që donin të ishin në shesh, por e kishin të pamundur.

“Çdo deputet i PD, i dalë nga zgjedhjet e 25 prillit, kur për ta kanë votuar qindra mijëra qytetarë, elektorat i djathtë por jo vetëm, gjykoj që kishin detyrimin moral e politik të ishin në protestë, sepse do t’i përgjigjeshin pritshmërive jo vetëm të anëtarësisë, që ishte e tëra atje dhe strukturave, por qindra mijëra qytetarëve që donin të ishin në shesh por e kishin të pamundur.

Kushdo që ka qenë pjesë ka qenë brenda pritshmërive të strukturës dhe elektoratit. 7 korriku tregoi se jemi opozita e vërtetë, qytetarët besojmë që jemi opozitë e vërtetë dhe dolën në shesh duke besuar që jemi opozita që do t’i përfaqësojmë denjësisht. Nuk jemi opozitë pazaresh”, theksoi deputetja./ B.A. – CNA.al





Lajmet e fundit nga