web counter
LEXO PA REKLAMA!

SHKARKO APP

App Store
Google Play

Video-Sot protesta/ Aktori sjell revoltën e të rinjve emigrantë

7 Korrik 2022, 09:25, Politikë CNA
Video-Sot protesta/ Aktori sjell revoltën e të rinjve emigrantë
Foto ilustruese

Sot në orën 19:00 do të zhvillohet protesta përballë Kryeministrisë.

Ndërkohë, aktori Julian Deda është nisur nga Londra për të marrë pjesë sot pasdite në protestën kombëtare.

Sikurse shikohet edhe në videon më poshtë, aktori thotë se sjell me vete revoltën dhe mbështetjen e mijërave të rinjve shqiptarë që kanë emigruar në Angli prej varfërisë dhe pamundësive, me të cilët ka diskutuar gjatë në ditët e qëndrimit me ta.

Videoja është publikuar nga kreu i PD-së, Sali Berisha.

“Përshëndetje të gjithëve!"

"Ju flas nga Londra, ku ka shumë lëvizje, por ku kam takuar shumë shqiptarë të cilët kanë braktisur atdheun sepse i mungon shpresa, i mungon puna, i mungon paraja, i mungon mirëqënia... Prandaj kanë ardhur këtu dhe unë i takoj përditë.

Shpopullimi i këtij vendi, i vendit tonë, atdheut tonë, është gjëja më dramatike që mund të na ndodhte neve dhe sigurisht përgjegjës për këtë është gjithë politika, por sigurisht kohët e fundit është Edi Rama, mor miq. Dhe nuk mendoj se ka njeri tjetër në këtë botë t’i ketë bërë keq më shumë Shqipërisë sesa ‘Piktori’! 

As diskutohet fare!

Dhe unë prandaj do të jem në protestë.  Do të nisem nga këtu dhe shpresoj të jeni edhe ju. Shikojini këto foto pas kësaj videoje dhe diku do ta gjeni veten dhe ju për të qenë në protestë. Data 7 i shtati, ora 7!”-thotë Julian Deda, në video-mesazh./CNA.al





Lajmet e fundit nga