web counter
LEXO PA REKLAMA!

SHKARKO APP

App Store
Google Play

E fundit!

x

Intervista- Afera e inceneratorëve/ Brizida Gjikondi flet “pa doreza”, akuza politikës dhe SPAK-ut

6 Korrik 2022, 18:51, Politikë CNA
Intervista- Afera e inceneratorëve/ Brizida Gjikondi flet “pa
Brizida Gjikondi

Avokatja dhe aktivistja Brizida Gjikondi në një intervistë ekskluzive për CNA.al ka folur për aferën e inceneratorëve, e cila është etiketuar si afera më e madhe korruptive në 30 vitet e fundit.

Gjikondi, teksa ka vlerësuar investigimet e CNA.al lidhur me këtë aferë, ka “kryqëzuar” jo vetëm politikën, por edhe kreun e SPAK-ut Arben Kraja, të cilin e cilëson si një njeri pa shtyllë kurrizore dhe nëpunës mediokër me vilë në Lalëz.

Sipas avokates, kjo kauzë do të përdoret edhe në protestën që do të mbahet nesër para Kryeministrisë, por opozita po e përdor për interesa personale dhe jo për hallet e shqiptarëve.

Intervista e plotë:

-Zonja Gjikondi, afera e inceneratorëve është një nga aferat më të mëdha korruptive në 30 vitet e fundit. CNA.al ka denoncuar me fakte dhe dokumente milionat që kanë qarkulluar.

Ndërkohë që në daljet e fundit për media, kryetarja e LSI, zonja Monika Kryemadhi, ka deklaruar se të përfshira në këtë aferë janë 24 kompani, ndërsa pretendon edhe për një transfertë prej 30 milionë dollarësh. Nga faktet e publikuara nga CNA.al rezulton se deklaratat e Kryemadhit janë gjysmë të vërteta, pasi fatura fiktive ka pasur, po jo transfertë 30 milionë dollarë. A mendoni se LSI po tenton të shuajë kauzën e inceneratorëve?

E para ju falënderoj me zemër për punën kurajoze që keni bërë, duke përmbushur misionin kryesor që një media e lirë duhet të bëjë. Të hetojë lidhjet e krimit-korrupsionit me politikën. Ju patët kurajën të godisni lart dhe të flisni me emra dhe skema konkrete. Ishit të parët dhe për fat të keq mbeteni të tillë, pasi gati asnjë media nuk ka pasur kurajën të shpërndajë hetimet dhe punën tuaj, dhe kjo tregon edhe një herë lidhjet e krimit me politikën dhe median. Sa për zonjën Kryemadhi, personalisht mendoj që ajo të purifikojë shpirtin një herë përballë shqiptarëve, të kthejë mbrapsht gjithëçka që ajo dhe sëra e saj u kanë zhvatur shqiptarve dhe jetëve të tyre, pastaj të bëjë moral, për më tepër që ajo këto që them unë duhet t'i dinte se së fundmi thotë që është dhe besimtare, dhe ky është nga mësimet e para që jep Krishti për ata që e ndjekin !

Gjithëçka që ajo denoncon më ngjan më shumë si një xhelozi dhe përplasje bandash se sa brengë e saj se janë vjedhur shqiptarët.

-A do të tentojë opozita të përdorë si kauzë inceneratorët në protestën e 7 korrikut?

Opozita dhe mazhoranca përherë kanë përdorur bëmat e njëri-tjetrit, por vetëm kaq, pasi janë kujdesur që drejtësinë ta drogojnë me moralin e tyre të fëlliqur, dhe vetëm të rrisin presionin dhe pazarin, por kurrsesi ndëshkueshmërinë ligjore ndaj njëri-tjetrit.

Plus unë mendoj që 7 korriku është kryekëput për të ligjëruar Berishën si kryetarin e opozitës shqiptare, ai përherë dhe jo vetëm ai Shqipërinë e kanë përdorur për tekat, ambiciet dhe hallet personale, jo se ju pre barku dhe shpirti për këtë popull të deshpëruar.

-Deri tani për këtë aferë pas hekurave janë vetëm dy ish-zyrtarë të LSI-së. A duhet SPAK-u të “zgjohet” dhe të zgjerojë hetimet?

Për sa kohë SPAK-u drejtohet nga një njeri pa palcë kurrizore dhe pa vetëdije për rolin historik që ka, por është thjesht një nëpunës mediokër me vilë në Lalëz, unë s'kam çfarë komenti të bëj.

Degradimi i shtetit dhe vlerave jo vetëm financiare, por dhe shoqërore të shqiptarëve kanë gjenezën edhe nga mosfunksionimi me dashje të kësaj strukture.

-Kush e ka radhën pas tyre?

E gjithë klasa politike shqiptare, pa dallim, duhet goditur egërsisht, ligjërisht dhe moralisht. Ndryshe ky komb është i vdekur. Ambientimi me të ligën është vrasja morale e një populli, vrasje e cila nëse nuk ndalet sjell veç shfarosje, se kështu zhduken kombet përmbi dhe..                           

-A besoni se do të jetë "varri" i qeverisë kauza e inceneratorëve apo do të jetë një flakë kashte që do të kalojë me vapën e nxehtë?

Varri, se besoj, do të bëhet dikush kokë turku, do të bëhet ndonjë pazar politik si çka ndodhur këto 30 vjet dhe kaq.

E keqja nuk luftohet me të keqe, kurrë s'ka ndodhur, vetëm e moralshmja, e drejta dhe ligjorja mund ta çojnë përpara këtë vend, gjithçka tjetër është një agoni që zgjatet e zgjatet./CNA.al

 





Lajmet e fundit nga