web counter
LEXO PA REKLAMA!

SHKARKO APP

App Store
Google Play

Berisha, me tone të ashpra/ Mafia e djegësve po vjedh miliona euro përmes pensionistëve

6 Korrik 2022, 11:39, Politikë CNA

Berisha, me tone të ashpra/ Mafia e djegësve po vjedh miliona euro

Kreu i PD-së, Sali Berisha, gjatë një takimi me perfaqësues të shoqërisë civile, një ditë para protestës së 7 korrikut, ka folur me tone të ashpra dhe akuza se qeveria po vjedh miliona euro përmes inceneratorëve.

Berisha solli edhe një herë rastin e pensionistëve, të cilët sipas dokumenteve të publikuara nga kryetarja e LSI-së, Monika Kryemadhi, rezultuan biznesmenë.

Kreu i PD-së deklaroi se kartat e këtyre pensionistëve janë vjedhur dhe janë mashtruar për të vjedhur 60 milionë euro, ndërkohë që thekson se qytetarët nuk po marrin asnjë kompensim nga rritja e papërballueshme e çmimeve.

“Kjo qeveri nuk meriton të jetë në pushtet asnjë ditë të vetme. Qytetarët janë të informuar tashmë për vjedhjen e thesarit të shtetit duke shpallur biznesmenë të moshuar në azile, duke iu vjedhur karta e identitetit, atyre që nuk kanë asnjë lidhje.

Mafia e djegësve ka vendosur t'i përdorë për të vjedhur 60 milionë euro, ndërkohë që qytetarëve që përballen me rritje të çmimeve nuk iu kompensohet një qindarkë e vetme. Pamë në parlament se si qindra miliona euro të fituara nga rritja e çmimeve nuk u kthyen asnjë qindrakë te qytetarët, por u ndanë në xhepat e oligarkëve. Rama nuk njeh kufi me vjedhjen.

Kemi të bëjmë me një person dhe një qeveri që në mënyrë absolute, qytetarët shqiptarë nuk ekzistojnë apo ekzistojnë vetëm për t'u vjedhur dhe mashtruar”, u shpreh Berisha./ A.E-CNA.al





Lajmet e fundit nga